Josue 8:4 - Manobo Western Bukidnon OT

⁴ Ne ke sikandin diyà te kandan te, “Eles kew ziyà te egkeiniyuǥan te inged, piru kenè kew utew mebpekeziyù dutun te inged. Pengandam kew te kedsurung niw te minsan hengkey he uras.

Josue 8:4 ပူးပေါင်းရင်းမြစ်များ

2 Hadì 7:12

Minsan mezukilem en haazà, mid-enew sikan is hadì ne migkeǥiyan din is menge upisyal zin te, “Egkeǥiyen ku keniyu ke hengkey is pelanu te menge Aramihanen. Netuenan dan he egkengevitil kiw, umbe mid-ewaan dan is kampu zan ne nemen-eles dan diyà te menge vuvungan. Su egkeisip dan he siguradu egawas kiw ne edekepen kiw zan ne ed-eǥawen dan is inged tew.”

2 Cronica 13:13

Hein kemulu pa si Abia egkaǥikaǥi, ne mid-eles-eles medsuǥù si Jeroboam te menge sundaru ziyà te egkeiniyuǥan te menge tig-Juda para meeyani sikandan.

Megwewali 7:19

Dekelà is egkehimu pinaaǥi te ketau te sevaha he etew kenà te egkehimu te sepulù he pengulu te inged.

Megwewali 9:16

Ne nekekaǥi a te meupiya pa is ketau kenè te zesen, piru is ketau zuen te pubri he etew ne wazà beǥeyi te keveǥat ne wazà midseǥipà te lalag din.

Josue 8:16

Ne midal-as kandan is langun he menge maama ziyà te Ai taman te neziyuan dan en haazà is inged.

Josue 8:3

Umbe, nengandam si Josue wey is langun he menge sundaru zin para te kedsurung dan diyà te Ai. Mibpilì si Josue te 30,000 he menge sundaru he metau he ebpekidtebek ne impelapus din sikandan.

Zatù 20:29

Umbe, mibpeeyanan te menge Israilihanen te menge sundaru is peliǥuy te Gibea.

Zatù 20:33

Ne hein nekeuma is menge Israilihanen diyà te Baal-Tamar, ne mibpelastar zan dutun ne sikan mulà is nemen-eles he mid-ayan nemenggawas dan ne mibpelastar zan diyà te zapit te edsenlepan he vahin te Gibea.

Zatù 20:36

Ne nesavut te menge Benjaminhen he nezaag en sikandan te menge Israilihanen. Mibpelaǥuy is dekelà he grupu te menge sundaru te Israel su midsarig sikandan duen te grupu he impeayan dan diyà te inged te Gibea.

Zatù 9:25

Mibpeeyanan te menge tig-Shekem te menge etew si Abimelec diyà te menge vuvungan, ne edtulisen dan is langun he ebayà dutun. Ne netudtulan si Abimelec mehitenged kayi.

Zatù 9:32

Umbe, kengkuwan te mezukilem, dumaha nu is menge etew nu, ne eles kew zep-a ziyà te menge pemuleey ziyà te ǥawas kayi te inged.

1 Samuel 15:2

‘Edsilutan ku is menge Amalikanhen tenged te kedsurunga zan te menge Israilihanen te kebpuun dan diyà te Ehipto.

1 Samuel 15:5

Ne midhendiyà ensi Saul te inged te Amalek, ne ziyè dan te zal-ug is ed-ayan.