Josue 8:31 - Manobo Western Bukidnon OT

³¹ Mibpeveelan din heini sumalà te suǥù te suluǥuen te Nengazen he si Moises diyà te menge Israilihanen. Heini he suǥù ingkesurat diyà te Libru te Kesuǥuan ni Moises, he edhenduen: “Beeli niw is pemuhatà he vatu he wazà mesepsapi wey wazà meǥemiti te putew.” Ne ziyà te zivavew zutun he pemuhatà, nemuhat dan diyà te Nengazen te menge pemuhat he edtutungen wey menge pemuhat he para te meupiya he kedepità.

Josue 8:31 ပူးပေါင်းရင်းမြစ်များ

2 Hadì 14:6

Piru wazè din mulà pehimetayi is menge anak dan, su sumalà is ingkesurat diyà te Libru te Kesuǥuan ni Moises, he migkaǥi is Nengazen te, “Kenà ereg he edhimetayan is menge ginikanan tenged te salà te menge anak dan, ne is menge anak, kenà ereg he edhimetayan tenged te menge salà te menge ginikanan dan. Iyan dà idhimetayi te etew is keugelingen din he salà.”

2 Hadì 22:8

Ne migkaǥi haazà is lavew he memumuhat he si Hilkia ziyà te ki Shafan he sikritaryu te, “Neehè ku is Libru te Kesuǥuan diyà te valey te Nengazen.” Imbeǥey ni Hilkia haazà is libru ki Shafan ne mibasa zin heini.

2 Cronica 25:4

Piru wazè din mulà pehimetayi is menge anak dan, su sumalà is ingkesurat diyà te Libru te Kesuǥuan ni Moises he migkaǥi is Nengazen te, “Kenà ereg he edhimetayan is menge ginikanan tenged te salà te menge anak dan, ne is menge anak, kenà ereg he edhimetayan tenged te menge salà te menge ginikanan dan. Iyan dà idhimetayi te etew is keugelingen din he salà.”

2 Cronica 35:12

Ne mibahin dan haazà diyà te kada grupu te menge pemilya is menge pemuhat he edtutungen he para ibpemuhat diyà te Nengazen, sumalà te ingkesurat diyà te libru ni Moises. Ne iring ded dutun is mibeelan dan duen te menge vaka.

Ezra 6:18

Insavuk dan is menge memumuhat wey menge Levihanen diyà te kada ketengdanan dan diyà te valey te Megbevayà diyà te Jerusalem sumalà te ingkesurat diyà te Libru ni Moises.

Nehemias 13:1

Hein mibesahan is menge etew zuen te Libru ni Moises dutun he andew, nevasa he ebenduwan is menge Amunihanen wey menge Moabitanhen te kedtampu ziyà te kedsevaha te menge etew te Megbevayà.

Exodus 18:12

Ne si Jetro he enuǥang ni Moises, nemuhat diyà te Megbevayà te pemuhat he edtutungen wey zuma he menge ibpemuhat diyà te Megbevayà. Ne zutun te kemulu zin en ebeeli haazà, ne nekeuma si Aaron wey is langun he menge edumala te Israel. Ne migkaan dan duma ki Jetro zutun te etuvangan te Megbevayà.

Exodus 24:5

Ne midsuǥù din te kebpemuhat is duma zan he vetan-en he menge maama, ne nemuhat sikandan te pemuhat he edtutungen, wey nemuhat daan sikandan te menge tudu he vaka he pemuhat he para te meupiya he kedepità.

Deuteronomio 27:2

Emun ebpekelayun kew en te Jordan ne ziyè kew en te tanà he ibeǥey keniyu te Nengazen he Megbevayè niw, ne tambù kew te zezekelà he vatu ne lupita niw heini te apug.

Deuteronomio 27:8

Kinahanglan he keladu is kedsurata niw kayi te menge kesuǥuan te Megbevayà duen te menge vatu he mibpintalan niw te apug.”

Josue 1:8

Kenè nu lipati te ebasa is Libru te Kesuǥuan. Ne purungi nu ngunngunua maandew wey mezukilem su para metueni nu ke ebmenmenuwen te edtuman is langun he ingkesurat kayi. Su pinaaǥi kayi ebmeuswaǥen ka wey ebmelempusen.