Josue 8:29 - Manobo Western Bukidnon OT

²⁹ Impevitey zin sikan is hadì diyà te kayu ne mibey-anan heini zutun taman te mahapun. Ne kedsanlep te andew impekuwa ni Josue haazà is minatey he hadì ne impetimbag din diyà te ǥawas te pultahan dutun te inged. Ne midtembuan dan heini te menge vatu, ne taman en guntaan kemulu egkaahà haazà is menge vatu.

Josue 8:29 ပူးပေါင်းရင်းမြစ်များ

2 Samuel 18:17

Migkuwa zan haaza is lawa ni Absalom ne in-ulug dan te vudsi ziyà te ketelunan ne midtembuan dan te mehabet he menge vatu. Ne nemelaǥuy is langun he menge sundaru te Israel ne mibpemen-ulì dan.

Ester 7:10

Umbe imbitey zan si Haman diyà te vitayà he mibpeveelan din he para pezem ki Mordecai. Ne zutun naawà is pauk duen te hadì.

Salmo 107:40

Mibpendezeisey te Megbevayà is menge midaagdaag kandan pinaaǥi te kedtezina zin kandan diyà te disirtu he wazà duen menge zalan.

Salmo 110:5

Is Nengazen diyà te egkekewanan nu; edèdeetan din is menge hadì emun ibpeehè din en is pauk din.

Josue 10:30

Imbeǥey zaan te Nengazen kandan heini he inged wey is hadì dutun. Migerè dan is langun he meǥinged kayi, ne wazà nesamà he uuyag. Mibeelan daan ni Josue ziyà te hadì te Libna is iring te mibeelan din duen te hadì te Jerico.

Josue 10:33

Hein kemulu zan pa edlusuzi is Lakish, si Hadì Horam he hadì te Gezer wey is menge sundaru zin midtavang te Lakish, piru nezaag gihapun sikandan eni Josue ne wazà nesamà kandan he uuyag.

Josue 12:9

hadì te Jerico hadì te Ai (uvey te Betel)

Josue 7:26

Ne kegkepasad dutun, midtembuan dan te vatu si Acan. Ne taman en guntaan dutun pa haazà is menge vatu. Ne haazà he lugar migngezanan te Suǥud te Acor taman guntaan. Ne tenged kayi naawà is pauk te Nengazen.

Josue 8:23

gawas duen te hadì dan. Mibihag dan heini ne mid-uwit dan diyà te ki Josue.