Josue 8:22 - Manobo Western Bukidnon OT

²² Ne mid-etaki zaan is menge Israilihanen he midseled dutun te inged, umbe nelingutan is menge tig-Ai. Mibpenhimetayan eni Josue sikandan is langun; wazà nekepelaǥuy kandan ne wazà neuyag kandan,

Josue 8:22 ပူးပေါင်းရင်းမြစ်များ

Job 20:5

ne edlavey zà is kelipey te lalung he etew. Uya, kenà egkeuǥet is kelipey te etew he wazà medtuu te Megbevayà.

Deuteronomio 7:2

Ne emun ibeǥey en sikandan te Nengazen he Megbevayè niw ziyà te keniyu su egkezaag niw en sikandan, kinahanglan he ebpurungan niw sikandan edèdeeti. Kenè kew mebaal te kesebutan diyà te kandan etawa kenè kew mebpaahà te hizu niw kandan.

Josue 10:28

Dutun he andew, midsakup ni Josue is Makeda. Midhimetayan din is hadì wey is langun he meǥinged dutun. Mibpurung din heini zèdeeti ne wazà nesamà he uuyag. Mibeelan ni Josue ziyà te hadì te Makeda is iring te mibeelan din duen te hadì te Jerico.

Josue 6:21

Impurung dan ipemuhat diyà te Nengazen haazà is inged pinaaǥi te kegeraa zan te menge maama wey menge vahi, meǥurang wey vatà, ragkes en is menge vaka, menge kerehidu, wey menge asnu.

Josue 8:21

Su hein naahà ni Josue wey te menge etew zin he nekeseled en duen te inged is menge zuma zan ne mibinsulan dan en heini, midlikù sikandan is ed-etaki te menge tig-Ai.

Josue 8:23

gawas duen te hadì dan. Mibihag dan heini ne mid-uwit dan diyà te ki Josue.

Josue 8:8

Ne emun egkaaǥew niw en heini binsuli niw su iyan heeyan suǥù te Nengazen. Sigureduwa niw he metuman niw heini.”