Josue 8:2 - Manobo Western Bukidnon OT

² Beeli niw ziyà te Ai wey ziyà te hadì dutun is iring te mibeelan niw ziyà te Jerico wey zuen te hadì te Jerico; piru ǥuntaan egkehimu en human ke egkuwaan niw is menge azen dan wey is menge uyaǥen dan he para en keniyu. Pengandam kew ne eyani niw sikandan, ne ziyè kew vayà te egkeiniyuǥan te inged.”

Josue 8:2 ပူးပေါင်းရင်းမြစ်များ

2 Cronica 13:13

Hein kemulu pa si Abia egkaǥikaǥi, ne mid-eles-eles medsuǥù si Jeroboam te menge sundaru ziyà te egkeiniyuǥan te menge tig-Juda para meeyani sikandan.

2 Cronica 20:22

Ne hein mibpuun dan en megkanta te kedalig, is menge Amonihanen, menge Moabitanhen, wey menge tig-Buntud he Seir he edsurung te Juda, ne impedtebek sikandan te Nengazen.

Salmo 39:6

wey iring te alung he egkaawà. Utew egkesamuk is etew te menge vuluhaten he wazè din pulus. Edtiǥum sikandin te menge ketiǥeyunan, iyan, emun ebpatey en sikandin, ne kenè din en egketuenan ke hentei is egkepulusan dutun.

Erubasa 13:22

Is ketiǥeyunan te etew he metazeng ne egkepengevilin te menge apù din, iyan, is azen te mekesesalà, iyan ebpekaangken duen is menge metazeng.

Erubasa 28:20

Is etew he egkeseriǥan ne edtuvazan te Megbevayà; iyan, is etew he egègaanen din is kegketiǥayun din te zekelà, ne iyan egkepengkusan din is kegkesiluti kandin.

Jeremias 17:11

Is etew he nekaangken te ketiǥeyunan pinaaǥi te mezaat he paaǥi ne iring te tagbis he mid-eren te kenà kandin he impis. Diyà te huziyan he timpu emun edliwezeenan en sikandin, egkaawà diyà te kandin is ketiǥeyunan din ne ebpekelepew is ketetaleng din.”

Jeremias 51:12

Ivayew niw is bendirà niw he tuus te kedsurung niw ziyà te Babilonia. Umani niw pa is menge vantey ne ipepelastar sikandan peliǥuy te inged! Ne ibpepurung ibpepengandam para te tebek su timpu en heini he ebeelan te Nengazen is pelanu zin te kedezaat te menge etew ziyà te Babilonia.”

Deuteronomio 2:35

Mibpen-uwit tew is menge uyaǥen dan wey menge azen dan he naaǥew tew zuen te inged dan.

Deuteronomio 20:14

Piru egkehimu ke ebihaǥen niw is menge vahi, is menge vatà, wey menge uyaǥen dan, ne egkehimu ke egkuwaan niw is langun he menge azen he zutun te inged. Gemita niw heini he menge azen is imbeǥey te Nengazen he Megbevayè niw keniyu he ebpuun te menge kuntada niw.

Deuteronomio 3:2

Piru migkaǥi is Nengazen kayi te kedì te, ‘Kenè nu sikandin ikahandek, su ibeǥey ku sikandin kenikew ragkes is langun he sakup din wey is tanè din. Beeli nu ziyà te kandin is iring te mibeelan nu ziyà te ki Sihon te hadì te menge Amorihanen he midhadì diyà te Heshbon.’

Josue 10:1

Netudtulan si Hadì Adoni Zedek he hadì te Jerusalem he mid-aǥew ni Josue is Ai ne mibpurung din heini zèdeeti wey midhimetayan din is hadì kayi iring te mibeelan din diyà te Jerico wey te hadì kayi. Nezineg din daan he nekid-emiǥu is menge tig-Gibeon te menge Israilihanen ne mid-amur zan en med-ubpà kandan.

Josue 10:28

Dutun he andew, midsakup ni Josue is Makeda. Midhimetayan din is hadì wey is langun he meǥinged dutun. Mibpurung din heini zèdeeti ne wazà nesamà he uuyag. Mibeelan ni Josue ziyà te hadì te Makeda is iring te mibeelan din duen te hadì te Jerico.

Josue 11:14

Mibpenguwa te menge Israilihanen is langun he menge azen wey menge uyaǥen kayi he menge inged. Piru mibpenhimetayan dan mulà is langun he meǥinged kayi, ne wazà nesamà he uuyag.

Josue 6:21

Impurung dan ipemuhat diyà te Nengazen haazà is inged pinaaǥi te kegeraa zan te menge maama wey menge vahi, meǥurang wey vatà, ragkes en is menge vaka, menge kerehidu, wey menge asnu.

Josue 8:12

Duen en impehuna ni Josue he 5,000 he menge sundaru te kedsurung dutun te inged. Diyè dan mebpelastar te zapit te edsenlepan dutun te inged, diyà te tengàtengà te Ai wey Betel.

Josue 8:14

Ne hein naahà sikandan duen te hadì diyà te Ai, ne migaanggaan sikandin megawas dutun te inged duma te menge etew zin te utew pa meselem, ne midhendiyè dan te lugar he egkesineruwan te Suǥud te Jordan su ebpekidtebek dan te menge Israilihanen. Wazè dan metueni he zuen bes edsurung kandan he ebpuun diyà te egkeiniyuǥan dutun te inged.

Josue 8:19

Ne segugunà nenggawas sikan is menge etew zin puun te mid-elesan dan. Midseled dan dutun te inged ne migègaanan dan heini binsuli.

Josue 8:24

Hein naamin dan en te edhimatey is langun he menge tig-Ai he midal-as kandan diyà te menge pemuleey wey ziyà te sibsivayan, midlikuan dan sikan is inged ne mibpenhimetayan dan is langun he nesamà dutun.

Josue 8:3

Umbe, nengandam si Josue wey is langun he menge sundaru zin para te kedsurung dan diyà te Ai. Mibpilì si Josue te 30,000 he menge sundaru he metau he ebpekidtebek ne impelapus din sikandan.

Josue 8:7

Ne zutun seǥuǥunè kew ǥawas puun te mid-elesan niw ne eǥawa niw is inged. Ibeǥey heini keniyu te Nengazen he Megbevayè niw.

Josue 8:8

Ne emun egkaaǥew niw en heini binsuli niw su iyan heeyan suǥù te Nengazen. Sigureduwa niw he metuman niw heini.”

Josue 8:9

Ne impeǥenat sikandan ni Josue, ne mid-eles dan diyà te zapit te edsenlepan emun dutun ki te Ai, diyà te pid-elangan te Ai wey Betel. Ne zutun he kezukileman wazè pa si Josue med-awà diyà te kampu zan duma te menge etew.

Josue 9:3

Piru hein nezineg te menge tig-Gibeon is mibeelan ni Josue ziyà te Jerico wey ziyà te Ai,