Josue 8:18 - Manobo Western Bukidnon OT

¹⁸ Ne migkeǥiyan si Josue te Nengazen te, “Bentanga nu is bangkew nu ziyà te Ai su ibeǥey ku kenikew is Ai.” Umbe mibantang ni Josue is bangkew zin diyà te Ai.

Josue 8:18 ပူးပေါင်းရင်းမြစ်များ

Job 15:25

Egkehitavù heini ziyà te kandin su ǥeina te midribildiyan din is Megbevayà he Mekeǥeǥehem wey midsukulan din.

Job 39:23

Edleletingkik wey edsinew is menge ǥumaan te ed-untud kandin.

Exodus 14:16

Ivayew nu is tuked nu ziyà te zivavew keniyan te zaǥat su wey meluwisi is egkezalandalan he tanà diyà te zizalem keniyan te zaǥat su para zutun ebayà is menge Israilihanen.

Exodus 8:1

ne migkeǥiyan te Nengazen si Moises te, “Hendiyè ka te hadì te Ehipto ne keǥiyi nu sikandin te, ‘Iyan heini lalag te Nengazen diyà te kenikew: Tuǥuti nu is menge etew ku te kegenat su wey zan mekaazap kedì.

Exodus 8:5

Ne zutun migkaǥi is Nengazen diyà te ki Moises te, “Keǥiyi nu si Aaron he beyawa zin is belad din he zuen tuked he ibpetezù diyà te menge dezekelà he wahig he edtudà, beuǥan, kanal, wey menge wahig he mibpeneng, ne egaun is menge vakbak kayi te tivuuk he tanà he Ehipto.”

Ezekiel 30:25

Edteǥuan ku te zesen is menge vekelawan te hadì te Babilonia. Piru is menge vekelawan te hadì te Ehipto egkeinutil mulà. Emun ibpeǥewezan ku en is ispada ku te hadì te Babilonia, wey egemiten din en heini te kedezaat te Ehipto, ne egketuenan te menge Ehiptohanen he iyan a Nengazen.

Josue 8:17

Is langun he menge maama ziyà te Ai wey ziyà te Betel midal-as dan is menge Israilihanen, umbe wazà nesamà he ebpekidtebek para kenà maaǥew haazà is inged.

Josue 8:19

Ne segugunà nenggawas sikan is menge etew zin puun te mid-elesan dan. Midseled dan dutun te inged ne migègaanan dan heini binsuli.

Josue 8:26

Wazà engkezi ni Josue is kebantang duen te vangkew zin diyà te Ai taman te naamin mebpatey is langun he meǥinged dutun.

Josue 8:7

Ne zutun seǥuǥunè kew ǥawas puun te mid-elesan niw ne eǥawa niw is inged. Ibeǥey heini keniyu te Nengazen he Megbevayè niw.

1 Samuel 17:41

Mid-uvayan daan sikandin ni Goliat ne edhuna kandin is tig-uwit te ǥumaan din para te tebek.

1 Samuel 17:45

Midtavak si David te, “Ed-uvayan a kenikew he ebpekidtebek he zuen ispada nu, wey bangkew, wey kelawit piru ed-sukulan ku sikew pinaaǥi te ngazan te Nengazen he Mekeǥeǥehem, is Megbevayà te menge sundaru te Israel he edhinggaten nu.

1 Samuel 17:6

Ne is menge vuvun din wey lisen ne mibpengelangan daan te brunsi, wey ziyà te peka zin is brunsi he kelawit.