Josue 8:12 - Manobo Western Bukidnon OT

¹² Duen en impehuna ni Josue he 5,000 he menge sundaru te kedsurung dutun te inged. Diyè dan mebpelastar te zapit te edsenlepan dutun te inged, diyà te tengàtengà te Ai wey Betel.

Josue 8:12 ပူးပေါင်းရင်းမြစ်များ

Genesis 12:8

Ne midlaus pa ensi Abram pehendiyà te vuvungan he ziyà te zapit te edsilaan te inged he Betel ne zutun din ipehitindeg is tulda zin. Diyà te zapit din te edsenlepan is inged he Betel wey ziyà te zapit te edsilaan is inged he Ai. Ne zutun mid-uman si Abram mebaal te pemuhatà ne mibpengumew-umew zin is Nengazen.

Genesis 28:19

Migngezanan haazà ni Jacob he lugar te Betel, he ke và dà egkeǥiya, “Baley te Megbevayà.” Piru is inged dutun dengan migngezanan te Luz.

Josue 8:11

Ne nekeuma zan diyà te sevaha he lugar he egkesineruwan te pultahan dutun te inged he Ai, ne mibangun sikandan te menge tulda ziyà te egkezivavà kayi. Ne zuen suǥud-suǥud diyà te pid-elangan kayi wey Ai.

Josue 8:13

Umbe, iyan heini kebpekepelastar te menge sundaru: is duma he menge sundaru, ne ziyà te zivavà dutun te inged, ne is duma pa, diyà dapit te edsenlepan kayi. Ne zutun he kezukileman midhendutun ensì Josue te suǥud.

Zatù 1:22

Midsurung te menge tribu ni Jose is Betel, ne midtevangan sikandan te Nengazen. Hein duen midsuǥù dan he ibpepeniid diyà te Betel,

1 Samuel 15:5

Ne midhendiyà ensi Saul te inged te Amalek, ne ziyè dan te zal-ug is ed-ayan.