Josue 7:26 - Manobo Western Bukidnon OT

²⁶ Ne kegkepasad dutun, midtembuan dan te vatu si Acan. Ne taman en guntaan dutun pa haazà is menge vatu. Ne haazà he lugar migngezanan te Suǥud te Acor taman guntaan. Ne tenged kayi naawà is pauk te Nengazen.

Josue 7:26 ပူးပေါင်းရင်းမြစ်များ

2 Samuel 18:17

Migkuwa zan haaza is lawa ni Absalom ne in-ulug dan te vudsi ziyà te ketelunan ne midtembuan dan te mehabet he menge vatu. Ne nemelaǥuy is langun he menge sundaru te Israel ne mibpemen-ulì dan.

2 Samuel 21:14

Ne impeleveng din heini te menge sakup din diyà te midlevengan te amey ni Saul he si Kish diyà te inged he Zela ziyà te Benjamin. Netuman is langun he insuǥù ni David. Ne hein nepasad dutun, ne midtavak te Megbevayà is menge ked-ampù dan he meengked en is bitil zutun te nasyun dan.

2 Cronica 29:10

Piru ǥuntaan disididu a he ebpekid-uyun kew te Nengazen he Megbevayà te Israel, su wey maawà is utew zin kegkepeuki kenitew.

Ezra 10:14

Is menge upisyal tew zà is ibpepelintetaǥak kayi para te ked-atur te tivuuk he menge etew. Ibpehengkayi zà is nemengesawa te kenà menge Israilihanen te edteilen he timpu duma te menge edumala wey menge meghuhukum diyà te inged dan. Ebeelan tew heini su wey maawà is utew kegkepeuki kenitew te Megbevayè tew tenged te neveelan tew.”

Salmo 85:4

He Megbevayà he menluluwas dey, ilikù nu kayi te kenami is meupiya he kebpekesavuk dey. Iawè nu en is pauk nu kenami.

Exodus 32:12

Emun egeraan nu is menge etew nu kenè be ebpekekaǥi is menge Ehiptohanen te iyan nu zà impeǥewasa kandan diyà te Ehipto su egeraan nu sikandan kayi te vuntud su wey maawà sikandan kayi te kelibutan? Umbe deyzey ke id-awè nu is pauk nu kandan; deyzey ke edhelinen nu is isip nu ne kenè nu zed sikandan edèdeetan.

Isaias 40:2

Lelaǥi niw te menayù is menge etew ziyà te Jerusalem. Tudtula niw kandan he nepasad en is kegkerasey zan wey nepesaylu en is menge salè dan. Su nezawat dan en is silut he para te langun he menge salè dan.”

Isaias 65:10

Edtuvazan ku sikandan is midangep kayi te kediey. Is menge suǥud diyà te Sharon wey Acor egkehimu he penebtavà te menge uyaǥen dan.

Penhulùhulù 3:53

Tinguhè dan is kedhimatey kedì pinaaǥi te ked-uluǥa zan kedì diyà te vudsi wey kebpenulenga zan kedì te vatu.

Hoseas 2:15

Ne ked-awè dey zutun ne idlikù ku ziyà te kandin is menge pemuleey zin te paras, ne edhimuwen ku is Suǥud he Acor he veyeey he ebpetanudtanud te meupiya he egkeperateng. Edtevaken e zin iring te mibeelan din hein betan-en pa sikandin dutun te kebpuun din diyà te Ehipto.”

Hoseas 2:17

Ne kenè ku en keniyu ibpepengumew-umew is menge ngazan ni Baal.

Joel 2:13

Iniyuǥi niw is kelelalung te ked-iniyug he ebpuun diyà te gehinawa niw, ne kenà bà dà ibpaahà pinaaǥi te kebindasa niw te visti niw. Likù kew ziyà te Nengazen he Megbevayè niw, su hihizuwen sikandin wey iipengen. Mepinelenggaan sikandin wey kenà pepeuken. Andam sikandin he edhalin te isip din, ne kenè din en edleusen is kebpaaǥi zin te kezeetan.

Joel 2:18

Ingkeipeng te Nengazen is tanè din, wey nehizuwan din is menge etew zin.

Jonas 1:15

Ne zutun mibitbit dan si Jonas ne intimbag dan diyà te zaǥat, ne segugunà mibmelinew is daǥat.

Zacarias 6:8

Ne mibensag is Nengazen kayi te kedì te, “Tengtengi nu is menge kudà he ebpehendiyà te zizaya. Ibpehimeley zan is Mulin-ulin ku keniyan he lugar.”

Numero 25:8

Ne midtundug din haazà is etew pehendiyà te kedseled din te tulda zin ne impedlembasè din te edtiyuk duen te vangkew zin haazà is maama wey vahi. Ne neengked is limas diyà te menge Israilihanen,

Deuteronomio 13:17

Kenè kew medtipig te minsan hengkey he vutang he zutun te inged su neteǥane en heeyan he edezeetan. Emun edtumanen niw heini is langun, id-awà te Nengazen is dekelà he pauk din, ne egkehizuwan kew zin. Ne tenged te hizu zin ibpemezakel kew zin sumalà is penangdù din diyà te menge kepuun niw.

Deuteronomio 13:18

Ebeelan heini te Nengazen he Megbevayè niw emun edtumanen niw is langun he menge suǥù din he ibeǥey ku keniyu ǥuntaan, wey ke ebaal kew te metazeng diyà te etuvangan din.

Josue 10:27

Ne hein edsanlep en is andew, impekuwa ni Josue is menge lawa zan, ne impetimbag din duen te surung he mid-elesan dan. Mid-elangan dan te zezekelà he menge vatu is bèbà duen te surung, ne taman en guntaan dutun pa heini he menge vatu.

Josue 7:24

Ne zutun mid-uwit ni Josue wey te langun he menge Israilihanen si Acan diyà te Suǥud te Acor, ragkes sikan is pelata, bisti, wey senge verita he vulawan, wey is menge anak din, menge vaka zin, menge asnu zin, menge kerehidu zin, tulda zin, wey is langun he azen din.

Josue 8:29

Impevitey zin sikan is hadì diyà te kayu ne mibey-anan heini zutun taman te mahapun. Ne kedsanlep te andew impekuwa ni Josue haazà is minatey he hadì ne impetimbag din diyà te ǥawas te pultahan dutun te inged. Ne midtembuan dan heini te menge vatu, ne taman en guntaan kemulu egkaahà haazà is menge vatu.