Josue 7:21 - Manobo Western Bukidnon OT

²¹ Duen te menge azen he netavan tew, duen ku neehè he mekempet he visti he ebpuun diyà te Babilonia, pelata he menge dezuwa he kilu wey tengà, wey senge verita he vulawan he menge tengà te kilu. Utew ku neimahi heini he menge azen, umbe migkuwa ku. Ne inleveng ku heini ziyà te tanà he seled te tulda ku, ne ziyà te kinezizeleman sikan is pelata.”

Josue 7:21 ပူးပေါင်းရင်းမြစ်များ

Genesis 10:10

Iyan menge zekelà he inged diyà te ǥinhedian din is Babilonia, is Erec, wey is Acad, he menge inged diyà te tanà he sakup te Shinar.

Genesis 3:6

Ne hein nesavut te vahi he metaam bes he egkeenen haazà is beǥas te kayu, wey meupiya zaan he ed-ahaan wey nesavut din daan he utew haazà egkinehenglana su wey zan mehimu he utew metau, ne midrupù sikandin dutun ne migkaan din. Ne mibeǥayan din daan is esawa zin he zuma zin daan dutun ne migkaan daan sikandin.

Genesis 34:27

Ne zutun, nekeuma zaan is duma pa he menge anak ni Jacob dutun te inged ne mibpenavan dan is menge azen dutun te inged. Mid-ulaula zan haazà tenged te midèdeetan is dengeg te etevey zan he si Dina.

Genesis 6:2

Naahà duen te menge anak te Megbevayà he memekempet is menge vahi he anak te menge etew, ne mid-esawa zan dutun is menge vahi sumalà is egkesuatan dan.

2 Samuel 11:2

Hein sevaha he mahapun dutun te meǥaan en edsanlep is andew, mid-enew si David ne midhiphipanew zuen te patag he atep te turuǥan din. Dutun te ebpememantew sikandin, neehè din diyà te zizalem is utew metaid he vahi he ebpemeziǥù.

2 Hadì 7:8

Ne kebpekeuma zuen te menge etew ziyà te kampu he zuen daru te lundis dan, midtigseselimbaha zan te edseled haazà is menge tulda. Edsigudu zan en egkaan wey ed-inum, wey ebpenguwa te menge pelata, menge vulawan, wey menge manggad. Ne impen-eles dan heini.

Job 31:1

“Nenangdù a he kenè ku ebpezumahan te arig is kedtengteng ku te menge raǥa.

Salmo 119:37

Ilikey a kenikew te kedtinguhà te menge vutang he wazè dan pulus. Ne pekeluǥeyaza nu pa is untung ku sumalà te insaad nu.

Exodus 20:17

“Kenè niw meimahi is baley te zuma niw, etawa esawa te zuma, menge suluǥuen, menge uyaǥen dan, wey minsan hengkey he ǥaked dan.”

Erubasa 1:19

Iyan heini egkehitavù te menge etew he mid-angken te ketiǥeyunan pinaaǥi te mezaat he paaǥi. Haazà is paaǥi, iyan kes dalan pehendiyà te kemetayen.

Erubasa 23:31

Kenè ka petintal te keriǥa wey ked-ilak-ilak te vinu ziyà te seled te vasu wey is ketaam kayi he ed-inumen.

Erubasa 28:22

Is etew he legezen, eggègaanen din is kedsepian din, iyan, wazè din metueni he iyan edtaǥad kandin is kewewezai.

Erubasa 4:23

Purungi nu pekeventayi is diyà te isip nu, su ke hengkey is ed-is-isipen nu, iyan daan egkeveelan nu.

Isaias 28:15

Su ibpehambug niw is kegkaǥi niw te, “Nekidsebutè key te kemetayen he kenè key zin kevuta, wey nekid-uyun key te iveyaan he kenè key zin ipehendiyà. Umbe kenè key egkekeizan minsan ebpekeuma is bangkit he iring te zalem, su midsarig key te menge ketetarù wey mid-endilung key ziyà te menge limbung.”

Isaias 29:15

Mekehizuhizu kew is nenigudu para mekeeles diyà te Nengazen is menge pelanu niw. Mibeelan niw is menge vuluhaten niw ziyà te merusirem, ne ke sikiyu te, “Wazà ebpekaahà wey egketau te ebeelan tew.”

Habakuk 2:9

“ ‘Mekehizuhizu kew is mibpehitindeg te menge valey pinaaǥi te selapì he nekuwa niw te mezaat he paaǥi. Midlig-enan niw is menge valey niw su wey kew kenà memenu emun ebpekeuma is kezeetan.

Deuteronomio 7:25

Iagbur niw ziyà te hapuy is menge ledawan he ed-ezapen dan, ne kenè niw keimahi is menge vulawan wey menge pelata zutun. Kenè niw haazà kuwaa su pekaid haazà keniyu. Pekeziyui niw heini su utew mezaat is ked-isipa kayi te Nengazen he Megbevayè niw.

Josue 7:20

Ne midtavak si Acan te, “Tutuu he nekesalà a ziyà te Nengazen he Megbevayà te Israel. Iyan heini mibeelan ku:

Josue 7:22

Umbe, duen menge etew he midsuǥù ni Josue he megaanggaan medhendiyà te tulda ni Acan. Ne neehè dan iyan dutun is menge azen he inleveng, sumalà is nekaǥi ni Acan.