Josue 7:2 - Manobo Western Bukidnon OT

² Puun te Jerico midsuǥù si Josue te menge etew he ibpepeniid te Ai, sevaha heini he inged he zapit te edsilaan he vahin te Betel, he uvey te Bet Aven. Umbe migenat haazà he menge etew su ebpeniid dan.

Josue 7:2 ပူးပေါင်းရင်းမြစ်များ

Genesis 12:8

Ne midlaus pa ensi Abram pehendiyà te vuvungan he ziyà te zapit te edsilaan te inged he Betel ne zutun din ipehitindeg is tulda zin. Diyà te zapit din te edsenlepan is inged he Betel wey ziyà te zapit te edsilaan is inged he Ai. Ne zutun mid-uman si Abram mebaal te pemuhatà ne mibpengumew-umew zin is Nengazen.

Genesis 28:19

Migngezanan haazà ni Jacob he lugar te Betel, he ke và dà egkeǥiya, “Baley te Megbevayà.” Piru is inged dutun dengan migngezanan te Luz.

1 Hadì 12:29

Is sevaha zutun te vulawan he vaka impesavuk din diyà te Betel ne is sevaha pa, ziyè din ipesavuk te Dan.

Nehemias 11:31

Is duma he menge etew ziyà te Benjamin, diyè med-ubpà te Geba, Micmash, Aya, Betel, wey te menge inged he nekeelingkus kayi.

Erubasa 20:18

Emun duen ebpelenuwen nu, kinahanglan he ebpekisambag ka ziyà te zuma. Kenè ka hendiyà te tebek emun wazè ka mebpesambag diyà te zuma.

Erubasa 24:6

su kinahanglan dan is menge sambag din te kebpekidtebek. Ne kelegmitan iyan ebpekezaag is mahabet is menge peresambag dan.

Isaias 10:28

Midsurung te menge tig-Asiria is Ayat. Diyà sikandan mebayà te Migron ne intaǥak dan diyà te Micmash is menge uwiten dan.

Jeremias 49:3

“Ebpekesineǥew kew taman te egkehimu niw, is menge etew ziyà te Heshbon, su egkezeetan is Ai. Ebpekesineǥew kew zaan is menge meǥinged diyà te Raba! Ebivisti kew te saku is edlikù-likù ebpelelaǥuy ziyà te kilid te verengbeng te kebpaahà he edlalew kew. Su ebihaǥen is ed-ezapen niw he si Molec duma te menge memumuhat wey te menge upisyal zin.

Hoseas 4:15

“Menge tig-Israel, minsan mid-iniyuǥan a keniyu he iring kew te vahi he nengumpadi, ne kenè niw uwit-uwita is menge tig-Juda. “Ne sikiyu is menge tig-Juda, kenè kew medhendiyà te Gilgal wey Bet Aven te ked-azap kediey etawa kebpenaad pinaaǥi te ngazan ku.

Josue 12:9

hadì te Jerico hadì te Ai (uvey te Betel)

Josue 18:12

Is dulunà kayi ziyà te zizaya ne puun te Wahig he Jordan, ne mibpehendiyè te zizaya he vahin te Jerico, pehendiyà en te menge vuvungan diyà te edsenlepan taman te sibsivayan te Bet Aven.

Josue 2:1

Ne zutun meeles he midsuǥù ni Josue is dezuwa he etew puun te kampu te menge Israilihanen diyà te Shitim su para mekepeniid diyà te Canaan, lavew en te inged he Jerico. Ne hein nekeuma ziyà te Jerico haazà is dezuwa he meniniid, ne ziyè dan medateng te valey ni Rahab; heini he vahi ebelegyà te zengeg din.

Josue 7:3

Ne hein nekelikù dan en, migkaǥi sikandan diyà te ki Josue te, “Kenè en kinahanglan he pudu kiw edsurung diyà te Ai, su zeisey zà is meǥinged duen. Suǥù ke zà te 2,000 etawa 3,000 he menge etew he edsurung dutun te inged.”

1 Samuel 13:5

Nengandam is menge Filistihanen te kebpekidtebek te Israilihanen. Duen dan 3,000 he kerwahi, 6,000 he menge pereuntud te kudà, wey utew mezakel he menge sundaru, su iring dan te pantad diyà te veyvey te zaǥat. Midhendiyè dan te Micmash, he zapit te edsilaan te Bet Aven, ne ziyè dan megkampu.

1 Samuel 14:23

Ne zutun nekeume en diyà te Bet Aven is edtebek. Mibpengelinteuwan te Nengazen he mekezaag is menge Israilihanen.

1 Samuel 30:27

Iyan mibpeuwitan din is ebpemendumala te inged he: Betel, Ramot Negev, Jatir,