Josue 7:19 - Manobo Western Bukidnon OT

¹⁹ Ne migkaǥi si Josue ziyà te ki Acan te, “Mama, beǥayi nu te zengeg is Nengazen he Megbevayà te Israel; keǥiya nu is tutuu ziyà te etuvangan din. Keǥiya nu kayi te kediey ke hengkey is mibeelan nu? Kenè nu heini ieles kediey.”

Josue 7:19 ပူးပေါင်းရင်းမြစ်များ

2 Hadì 20:15

Mid-insè pa haazà is ebpeneuven te, “Hengkey is neehè dan diyà te turuǥan nu?” Midtavak si Hezekia te, “Neehè dan is langun he ziyà te turuǥan ku. Wazà minsan hengkey he ketiǥeyunan ku he wazè ku ipaahà kandan.”

2 Cronica 30:22

Nezeliǥan ni Hezekia is langun he menge Levihanen tenged te meupiya he terebahu he impeehè dan dutun te kebpenilbi zan te Nengazen. Ne mibpedayun is kedsilibra zan seled te pitu he andew. Migkaan dan is kandan he vahin dutun te menge pemuhat. Wey nemuhat dan te menge pemuhat he para te meupiya he kedepità, wey midalig dan is Nengazen he Megbevayà te menge kepuun dan.

Salmo 32:5

Ne intug-an ku ziyà te kenikew is menge salè ku; wazè ku in-eles. Ke siak te idtug-an ku is menge salè ku ziyà te kenikew. Ne zutun te kedtug-an ku, mibpesaylu a kenikew.

Salmo 51:3

Su langun he timpu ed-isipen ku wey ed-engkenen ku is menge salè ku.

Erubasa 28:13

Is etew he id-eles din is menge salè din ne kenà ed-uswag, iyan, is etew he idtug-an din wey ed-engkezan din te ed-ulaula is menge salè din, igkehizu sikandin te Megbevayà.

Isaias 13:12

Deisey zà is egkesamà he menge etew. Edhuna pa he mereǥen is kebpen-ahà kandan kenà te lunsey he vulawan he ebpuun diyà te Ofir.

Jeremias 13:16

Beǥayi niw te zengeg is Nengazen he Megbevayè niw mintras wazè din pa ipeseǥazi keniyu is kerusireman, wey mintras wazè kew pa mekesukung te merusirem he menge vuntud. Is kerayag he ebperetengen niw edhimuwen din he utew merusirem.

Daniel 9:4

Ne iyan heini migkaǥi ku zutun te ked-ampù ku ziyà te Nengazen he Megbevayè ku wey kedtug-an ku te menge salè ku wey menge salà te menge Israilihanen: “Nengazen, mekeǥeǥehem ka wey egkein-inuwan he Megbevayà. Metinumanen ka, ne edtumanen nu is penaad nu he ebmahalen nu is ebmahal kenikew wey edtuman te menge suǥù nu.

Josue 7:20

Ne midtavak si Acan te, “Tutuu he nekesalà a ziyà te Nengazen he Megbevayà te Israel. Iyan heini mibeelan ku:

1 Samuel 14:43

Ne migkeǥiyan ni Saul si Jonatan te, “Hengkey ves is mibeelan nu?” Midtavak si Jonatan te, “Intiyuk ku is purù te tuked ku zuen te teneb ne migkaan a te deisey zà. Ne, kinahanglan buwa he edhimetayan a?”