Josue 7:15 - Manobo Western Bukidnon OT

¹⁵ Is etew he idtezù ku he mid-eles duen te menge vutang he impurung ipemuhat kayi te kedì edtutungen duma te pemilya zin wey te langun he menge azen din. Su midrapas din is kebpekid-uyun ku, ne mibaal sikandin te mekeeled-eled he vaal kayi te Israel.”

Josue 7:15 ပူးပေါင်းရင်းမြစ်များ

Genesis 34:7

Ne hein netudtulan is menge anak ni Jacob he menge maama zutun te neulaula, segugunè dan mid-ulì. Utew mibmezaat is gehinawa zan ne utew zan egkepeuki si Shekem tenged te mid-ulaula zin he kenà meupiya he vaal, he nekeveǥey te keelezan te pemilya ni Jacob.

2 Samuel 13:13

Hengkey en buwa he paras is igkeetuvang ku te menge etew? Minsan sikew, buneg is igngazan kenikew kayi te Israel. Hengyua nu is amey ta mehitenged kayi; siguru he ebpemineǥen ke zin ke ebpengesawa ka kedì.”

Josue 7:11

Nekesalà is Israel; midrapas dan is kebpekid-uyun ku. Migkuwa zan te menge vutang he impurung en ipemuhat kayi te kedì. Midtakew zan heini, midtarùtarù dan bahin kayi, ne intampu zan heini te menge azen dan.

Josue 7:16

Ne hein meselem en, ne impesayu en ni Josue te ebpeuvey ziyà te Nengazen is kada tribu te Israel. Ne is intezù he nekesalà iyan is tribu ni Juda.

Zatù 20:10

Is ikesepulù he vahin te langun he menge maama te kada tribu iyan ed-atur te egkekaan te menge sundaru, ne is egkesamà iyan ebales te menge tig-Gibea tenged kayi te utew mezaat he mibeelan dan kayi te Israel.”

Zatù 20:5

Ne hein mezukilem en, is baley he nepemenehikan dey midliǥuyan te menge maama he tig-Gibea. Egkesuatan dan he mekuwa e zan su edhimetayan e zan pezem; piru iyan, midsinembeyaanan dan te edlayug is esawa ku taman te minatey.

Zatù 20:6

Umbe, mid-uwit ku te ked-ulì ku is lawa zin ne mibpenamped ku te 12 he vahin ne impeuwit ku ziyà te 12 he tribu te Israel, su utew mezaat wey mekeeled-eled heini is mibeelan dan kayi te Israel.

1 Samuel 26:21

Migkaǥi si Saul te, “Nekesalà a. Likù ka kayi te kedì David, anak ku, ne kenè ku en ed-um-umanen is mibeelan ku kenikew, su wazà a kenikew himetayi. Henduen a te vuneg te mibeelan ku, ne utew ad iyan nesayep.”