Josue 7:1 - Manobo Western Bukidnon OT

¹ Piru midrapas iyan te menge Israilihanen is suǥù te Nengazen he kenè dan ibpekuwa te minsan hengkey he impurung en ipemuhat diyà te Nengazen. Su migkuwa si Acan te menge vutang he kenà engayan he egkuwaan, umbe utew nepauk is Nengazen kandan. Heini si Acan anak ni Carmi. Si Carmi anak ni Zabdi. Si Zabdi anak ni Zera. Heini sikandan sakup te tribu ni Juda.

Josue 7:1 ပူးပေါင်းရင်းမြစ်များ

Genesis 34:27

Ne zutun, nekeuma zaan is duma pa he menge anak ni Jacob dutun te inged ne mibpenavan dan is menge azen dutun te inged. Mid-ulaula zan haazà tenged te midèdeetan is dengeg te etevey zan he si Dina.

2 Samuel 24:1

Neuman mepauk is Nengazen te menge Israilihanen ne impevaal zin si David te ebpekezezaat kandan. Migkeǥiyan din si David te, “Bilanga nu is menge keet-etawan te Israel wey Juda.”

2 Hadì 5:24

Ne hein nekeuma zan en diyà te vuvungan, migkuwa ni Gehazi zuen te menge suluǥuen sikan is dezuwa he bag ne impelikù din sikandan. Ne mid-uwit din haazà diyà te valey ne in-eles din.

1 Cronica 21:7

Wazà daan mesuat is Megbevayà te heini he suǥù ni David, umbe midsilutan din is Israel.

2 Cronica 24:18

Mid-isip dan he ed-iniyuǥan dan en haazà is baley te Nengazen, he Megbevayà te menge kepuun dan, ne iyan dan ed-ezapen is tukud he simbulu te vahi he ed-ezapen he si Ashera wey zuma pa he menge ed-ezapen. Tenged dutun te mibeelan dan ne nepeukan te Megbevayà is menge tig-Juda wey menge tig-Jerusalem.

Ezra 9:6

Ke siak te, “Megbevayè ku, utew a neeled. Ebpekezuzungul a tenged te kegkeeled ku su utew zekelà is menge salè dey; henduen be te nelapew key en kayi wey nekeume en diyà te langit.

Job 35:8

Iyan dà egkeipiktuwan te meupiya etawa mezaat he vaal nu is iring nu he etew.

Megwewali 9:18

Is ketau meupiya pa kenà te menge ǥumaan te tebek. Piru is mekesasalà ebpekezezaat te mahabet he menge keupiyaanan.

Daniel 9:7

“Metazeng ka, Nengazen, iyan, sikami mulà mekeeled-eled is menge vaal zey minsan guntaan. Tutuu heini ziyà te langun he menge meǥinged diyà te Juda wey Jerusalem, wey ziyà te langun he menge Israilihanen he impedsusuwey nu ziyà te uvey wey meziyù he menge lugar tenged te kedsupak dan kenikew.

Leviticus 10:6

Ne migkaǥi si Moises diyà te ki Aaron wey ziyà te menge anak din he si Eleazar wey si Itamar te, “Kenè niw vey-ani he egkeǥuseng is bulvul niw etawa ebindasen niw is menge kumbalè niw te kebpekilala he idlalew niw is minatey. Emun ebeelan niw heeyan, ne ebpatey kew ne egkepeukan te Nengazen is langun he menge Israilihanen. Is langun he menge etew te Israel he menge kezuzumahi niw, ne iyan mulà sikandan medlalew para keniyan te zezuwa he midtutung te Nengazen.

Jonas 1:7

Ne mibpelelelaǥà is menge terebahanti zutun te varku, ne iyan neuyunan dan he ibarè dan pinaaǥi te ripa ke hentei is edsilutan he iyan hinungdan he impepengeramag te utew mevandes. Ne zutun te kedripa zan iyan neripahan si Jonas.

Josue 22:16

“Sikami is tivuuk he etew te Nengazen egkesuat key he metueni zey ke maan is midlimbungan niw is Megbevayà te Israel? Nekesupak kew te Nengazen pinaaǥi te kebaal niw te keugelingen niw he pemuhatà. Maan is mid-iniyuǥan niw sikandin?

Josue 22:18

Ne ǥuntaan nekehimu kew pa te ked-iniyug te Nengazen? Emun edsupak kew pa kandin guntaan he andew, ne keeselem egkepeukan din en is tivuuk he keet-etawan te Israel.

Josue 22:20

Nelipatan niw en be is mibeelan ni Acan te anak ni Zera? Hein midsupak din is suǥù mehitenged te menge azen he para zà te Nengazen, midsilutan sikandin duma te tivuuk he keet-etawan te Israel. Kenà iyan dà sikandin minatey tenged te salè din.”