Josue 6:24 - Manobo Western Bukidnon OT

²⁴ Ne mibinsulan dan haazà is tivuuk he inged wey is langun he netaǥù kayi gawas te menge azen he pelata, bulawan, brunsi, wey putew. Mibpenguwa zan haazà su wey zan iketaǥù diyà te teleǥuey te ketiǥeyunan te Nengazen.

Josue 6:24 ပူးပေါင်းရင်းမြစ်များ

2 Samuel 10:5

Egkeeled dan he ed-ulì. Hein netuenan ni David is nehitavù te menge sakup din, ne midsuǥù sikandin te menge menunudtulà he ebpekeǥiyan haazà is menge sakup din te diyè dan dà dèpa te Jerico taman te ebmelayat haazà is menge sumpè dan, ne human dan med-ulì.

2 Hadì 25:9

Mibinsulan din is baley te Nengazen, is turuǥan, is langun he menge valey ziyà te Jerusalem, wey is langun he impurtanti he menge bilding.

1 Cronica 18:11

Inhalad heini ni Hadì David diyà te Nengazen, iring ded te mid-ulaula zin te nengaaǥew zin he menge pelata, menge vulawan, diyà te zuma he menge nasyun he nengezaag din he iyan is: Edom, Moab, Ammon, Filistia wey Amalek.

Numero 31:10

Mibpeminsulan dan is langun he menge inged wey is langun he menge kampu te menge Midianhen.

Deuteronomio 13:16

Tiǥuma niw is langun he egkekuwa niw zutun he inged ne itambù niw ziyà te teliwazà te pelasa, ne vinsuli niw heini wey is tivuuk he inged he pemuhat he edtutungen para te Nengazen he Megbevayè niw. Ne ebey-anan en haazà is nezeetan he inged ne kenè en ed-umanan ebenguna taman te taman.

Deuteronomio 13:17

Kenè kew medtipig te minsan hengkey he vutang he zutun te inged su neteǥane en heeyan he edezeetan. Emun edtumanen niw heini is langun, id-awà te Nengazen is dekelà he pauk din, ne egkehizuwan kew zin. Ne tenged te hizu zin ibpemezakel kew zin sumalà is penangdù din diyà te menge kepuun niw.

Deuteronomio 20:16

Piru is menge etew ziyà te menge inged he ibeǥey keniyu te Nengazen he Megbevayè niw su wey niw mepengevilin, geraa niw is langun.

Josue 11:11

Mibpenhimetayan dan daan is langun he meǥinged diyà te Hazor, ne wazà nesamà he uuyag. Ne mibinsulan dan haazà is inged.

Josue 6:19

Piru is langun he menge azen he pelata, bulawan, brunsi, etawa putew, ne para heini te Nengazen, ne kinahanglan he idtaǥù diyà te teleǥuey te ketiǥeyunan te Nengazen.”

Josue 6:25

Piru midlibri mulà ni Josue si Rahab wey is pemilya zin su ǥeina te in-eles din sikan is menge maama he midsuǥù ni Josue te kebpeniid te Jerico. Taman en guntaan ne kemulu meǥinged diyà te Israel is menge kevuwazan din.

Josue 8:28

Ne kegkepasad dutun, mibpevinsulan ni Josue is tivuuk he Ai ne wazè en heini meuman mevangun. Ne taman en guntaan wazè en meǥinǥed kayi.