Josue 6:23 - Manobo Western Bukidnon OT

²³ Umbe, migenat haazà is dezuwa ne miduma zan diyà te ǥawas si Rahab, duma te amey zin, iney zin, menge suled din, wey is langun he sakup te pemilya zin. Impeǥawas dan sikandan is langun ne impehulenè dan diyà te sevaha he lugar he gawas te kampu zan.

Josue 6:23 ပူးပေါင်းရင်းမြစ်များ

Genesis 12:2

“Edhimuwen ku is menge kevuwazan nu he utew zekelà he nasyun. Ne edtuvazan ku sikew ne edhimuwen ku he utew mevantug is ngazan nu. Ne pinaaǥi zaan kenikew, edtuvazan ku is mezakel he menge etew.

Genesis 18:24

Penenglitan ke zuen 50 he menge metazeng he etew ziyà te inged, tutuu ve he edlimasen nu? Ne kenè nu egkehizuwan haazà is menge meǥinged minsan pa te zuen 50 he menge metazeng dutun?

Genesis 19:29

Wazà melipati te Nengazen is kebpekid-uyun din diyà te ki Abraham, su zutun te kedèdeeti zin te menge inged diyà te suǥud he zutun med-ubpà si Lot, impepelaǥuy zin si Lot su wey kenà meragkes.

Numero 31:19

Is langun keniyu he nekepatey etawa nekesamsam te minatey, kinahanglan he kayi zà te gawas te kampu seled te pitu he andew. Dutun iketelu wey ikepitu he andew, kinahanglan he mebpekelumpiyu kew wey is menge vihag niw.

Josue 2:13

he kena a keniyu edhimetayan wey is amey ku, iney ku, menge suled ku, wey is langun he pemilya zan.”

Josue 2:16

Migkaǥi si Rahab diyà te kandan te, “Hendiyè kew te menge vuvungan su para kenè kew maahà te ebpen-ahà keniyu. Eles kew ziyà taman te tetelu he andew para ebpekelikù en sikandan kayi. Ne kegkeipus dutun, ne egkehimu en ke edlaus kew ed-ulì.”

Josue 2:18

Piru kinahanglan he ebeelan nu zaan heini: Emun edsurung key en kayi te tanè niw, ihiket nu heini is meriǥà he pisì diyà te sulawà he mibpeveyaan nu kenami wey key mekepenaug. Ne tiǥuma nu kayi te valey nu is amey nu, iney nu, menge suled nu, wey is langun he pemilya zan.

Zatù 1:25

Ne mibpenurù din sikandan. Ne mibpenhimetayan dan is langun he meǥinged dutun te inged. Piru wazè dan iragkes sikan is mibpenurù kandan wey is tivuuk he pemilya zin.