Josue 6:2 - Manobo Western Bukidnon OT

² Migkaǥi is Nengazen diyà te ki Josue te, “Ibpesakup ku keniyu is Jerico ragkes is hadì kayi wey menge sundaru.

Josue 6:2 ပူးပေါင်းရင်းမြစ်များ

2 Samuel 5:19

Umbe, nenginginsà si David te Nengazen, “Edsurungen dey ve is menge Filistihanen? Ibpezaag nu ve sikandan kenami?” Midtavak is Nengazen diyà te kandin, “Uya, ǥenat kew en, su ibpezaag ku sikandan keniyu.”

Nehemias 9:24

Midseled dan iyan dutun ne mid-angken dan. Mibpengelinteuwan nu he mezaag dan is menge Canaanhen he meǥinged dutun he tanà. Imbeǥey nu kandan is menge Canaanhen ragkes en is menge hadì dan su para meveeli te menge etew nu is egkesuatan dan te ebaal ziyà te kandan.

Daniel 2:21

Iyan sikandin ebpedliliwà te egkengehitavù diyà te menge timpu. Iyan sikandin ebayàbayà ke hentei is egkahadì wey ke hentei is egkaawà te kedhadì. Iyan sikandin mibeǥey te ketau ziyà te uluwanen.

Daniel 2:44

“Dutun te timpu te kedhadì kayi te menge pengulu, edtukud is Megbevayà diyà te langit te sevaha he ginhedian he kenà egkezeetan te minsan keenu. Ne kenà heini egkezaag te zuma he ginhedian, su edèdeetan din pa ganì is langun he ginhedian ne ebpedayun heini he ginhedian taman te taman.

Daniel 4:17

Iyan heini hukum he migkaǥi te menge velinsuǥuen su para metueni te langun he is Utew Lavew he Megbevayà, duen din gehem diyà te menge ginhedian te menge etew. Ne egkehimu ke edhimuwen din sikandan he sakup te minsan hentei he egkesuatan din he mehimu he egalen, minsan pa ke haazà is etew iyan en kineminusan te langun he menge etew.

Daniel 4:35

Kenè en ebpekesusuluwan is menge etew kayi te kelibutan emun idhindeg kandin. Ebeelan din is egkesuatan din diyà te menge velinsuǥuen diyà te langit wey ziyà te menge etew kayi te tanà. Wazà ebpekeeǥen wey ebpekevelavag kandin.’

Daniel 5:18

“Mahal he Hadì, ketau te Utew Lavew he Megbevayà is kegkehimu he hadì te amey nu he si Nebucadnezar. Nehimu sikandin he mekeǥeǥehem wey mibeǥayan te menge etew te zengeg.

Deuteronomio 7:24

Ibeǥey zin diyà te keniyu is menge hadì dan. Ne penhimetayi niw sikandan, ne egkelipatan en sikandan. Wazà minsan sevaha kandan he ebpekezaag keniyu, ne emina niw sikandan te edhimatey.

Josue 12:9

hadì te Jerico hadì te Ai (uvey te Betel)

Josue 2:24

Migkaǥi sikandan te, “Tutuu iyan he imbeǥey kenitew te Nengazen is tivuuk he tanà. Is langun he etew zutun ne nengahandek kenitew.”

Josue 2:9

ne migkeǥiyan din sikandan te, “Netuenan ku he imbeǥey keniyu te Nengazen heini he tanà ne utew kew ingkahandek te menge etew kayi.

Josue 20:1

Ne migkaǥi is Nengazen diyà te ki Josue te,

Josue 6:1

Mibpurungan lekevi is Jerico te menge meǥinged duen su wey kenà mekeseled is menge Israilihanen. Wazà ebpekeseled wey ebpekeǥawas dutun te inged.

Josue 6:3

Ne sikew wey is langun he menge sundaru nu ne liǥuya niw heeyan is inged te kesevaha kada andew, seled te heenem he andew.

Josue 8:1

Ne migkaǥi is Nengazen diyà te ki Josue te, “Kenè ka mahandek etawa luyahi. Tiguma nu is langun he menge sundaru nu ne umani niw surunga is Ai, su ebpeveyveyaan ku en kenikew is hadì te Ai, is menge etew zin, is inged din, wey is tanè din.

Zatù 11:21

Piru mibpengelinteuwan te Nengazen he Megbevayà te Israel he mezaag sikandan te menge Israilihanen. Umbe migkuwa te menge Israilihanen is langun he tanà te menge Amorihanen he ebpemen-ubpà dutun he lugar:

Zatù 11:24

Iyan niw engkena is tanà he ibeǥey keniyu te ed-ezapen niw he si Kemosh. Su sikami, ed-engkenen dey is langun he ibeǥey kenami te Nengazen he Megbevayè dey.