Josue 6:17 - Manobo Western Bukidnon OT

¹⁷ Heini is tivuuk he inged wey is langun he netaǥù kayi ibpemuhat diyà te Nengazen pinaaǥi te kedezeeti zuen. Si Rahab dà he ebelegyà te zengeg din wey is tivuuk he pemilya zin is edlibriyen su in-eles din sikan is menge meniniid tew.

Josue 6:17 ပူးပေါင်းရင်းမြစ်များ

Genesis 12:3

Is menge etew he edtavang kenikew, edtuvazan ku. Is menge etew he ebpesipala kenikew, edrewakan ku. Ne pinaaǥi kenikew edtuvazan ku te meupiya is langun he menge etew ziyan te kelibutan.”

Isaias 34:6

Is ispada te Nengazen egkelupit te lengesa wey tavà, egkeiring te egemiten te kedlapà te menge ibpemuhat he kambing wey kerehidu. Su ebpenhimetayan te Nengazen is menge etew ziyà te Bozra ne pemuhat haazà diyà te kandin. Mahabet is ebpenhimetayan din diyà te zuma pa he menge inged diyà te Edom.

Jeremias 46:10

Piru iyan ebpekezaag is Nengazen he MEGBEVAYÀ he Mekeǥeǥehem kayi he tebek. Kayi he timpu ebpenimales sikandin te menge kuntada zin. Is ispada zin egkeiring te egkevitil he langgam he ed-emeluk kandan wey edhiǥup te lengesa zan taman te egkahantey wey egkeperahan. Egkehimu sikandan he pemuhat diyà te Nengazen he MEGBEVAYÀ he Mekeǥeǥehem diyà te tanà he zapit te zizaya, he uvey te Wahig he Eufrates.

Ezekiel 39:17

Mibpedayun megkaǥi is Nengazen he MEGBEVAYÀ kayi te kediey te, “Sikew is etew, keǥiyi nu is langun he kelasi te menge tagbis wey zumezaas he menge langgam diyà te peliǥuy he medtiǥum dan diyà te menge vuvungan te Israel, su wey zan mekekaan te zekelà he ǥastu te pemuhat he in-andam ku kandan. Dutun egkaan sikandan te sapù wey ed-inum te lengesa te menge sundaru wey menge pengulu, he henduen dà te menge kerehidu, menge vaka, wey menge kambing he impelambù he ebpuun diyà te Bashan.

Leviticus 27:21

Ne emun egkeume en maan is Tuig te Kebeǥey te Bayàbayà wey Ked-ulì, ne ǥaked en heini te Nengazen ne kenè en heini egkahawì, egkehimu en heini he azen te menge memumuhat.

Micas 4:13

“Sikiyu is menge meǥinged diyà te Zion, genat kew en ne zèdeeti niw is menge kuntada niw he iring te egunas kew te menge pungu. Su edhimuwen ku sikiyu he iring te tudu he vaka he putew is menge sungey zin ne brunsi is menge sulu zin. Edrunteken niw is mahabet he menge etew ziyà te menge nasyun he midtiǥum te kebpekidtebek keniyu. Ne is menge ketiǥeyunan dan he nekuwa zan pinaaǥi te kebpesipala ne idhalad niw kayi te kedì te Nengazen he iyan ebayàbayà te tivuuk he kelibutan.”

Deuteronomio 20:17

Purungi niw zèdeeti is menge Hitihanen, menge Amorihanen, menge Canaanhen, menge Pirisihanen, menge Hivihanen, wey menge Jebusihanen, sumalà te insuǥù keniyu te Nengazen he Megbevayè niw.

Josue 2:1

Ne zutun meeles he midsuǥù ni Josue is dezuwa he etew puun te kampu te menge Israilihanen diyà te Shitim su para mekepeniid diyà te Canaan, lavew en te inged he Jerico. Ne hein nekeuma ziyà te Jerico haazà is dezuwa he meniniid, ne ziyè dan medateng te valey ni Rahab; heini he vahi ebelegyà te zengeg din.

Josue 2:22

Ne hein nekeǥenat en haazà is dezuwa he meniniid, ne midhendiyè dan te menge vuvungan. Ne zutun sikandan med-eles seled te tetelu he andew, ne zutun mibpen-ahà sikandan duen te menge sinuǥù te hadì diyà te menge zalan. Ne wazà sikandan meturedu, umbe nemen-ulì dà tekew haazà is menge sinuǥù te hadì.

Josue 7:1

Piru midrapas iyan te menge Israilihanen is suǥù te Nengazen he kenè dan ibpekuwa te minsan hengkey he impurung en ipemuhat diyà te Nengazen. Su migkuwa si Acan te menge vutang he kenà engayan he egkuwaan, umbe utew nepauk is Nengazen kandan. Heini si Acan anak ni Carmi. Si Carmi anak ni Zabdi. Si Zabdi anak ni Zera. Heini sikandan sakup te tribu ni Juda.

1 Samuel 15:3

Umbe ǥuntaan, surunga niw is Amalikanhen! Dezeeti niw is langun he zutun te kandan. Penhimetayi is menge maama zan, menge vahi, menge vatà, minsan is edsusu pa, apil is menge vaka, kerehidu, kemilyu, wey asnu.’ ”

1 Samuel 15:6

Mibpeuwit si Saul te lalag diyà te menge Kinhanen te, “Genat kew! Ewai niw heeyan is menge Amalikanhen para kenè ku sikiyu ikeapil te edhimatey duma kandan, su mid-uǥupan niw is menge Israilihanen te kegawas dan puun te Ehipto.” Ne zutun mibpekeziyù is menge Kinhanen.