Josue 6:13 - Manobo Western Bukidnon OT

¹³ ne midhuna ǥihapun sikan is pitu he menge memumuhat he ebpezaǥing te menge vudyung. Ne iyan ded mibeelan duen te menge sundaru is: edhuna is duma ne is duma pa, edtinundug duen te Kavan te Kebpekid-uyun te Nengazen, ne idtulung dan en ibpezaǥing is menge vudyung.

Josue 6:13 ပူးပေါင်းရင်းမြစ်များ

1 Cronica 15:26

Ne tenged te midtevangan te Megbevayà is menge Levihanen te ked-uwita zan dutun te Kavan te Kebpekid-uyun te Nengazen, mibpemuhat dan te pitu he tudu he vaka wey pitu he kerehidu.

Numero 10:25

Is kinehuziyanan he midhipanew he ed-uwit te bendira zan iyan is grupu he ebpenguluwan te tribu ni Dan. Iyan sikandan nehimu he vantey ziyà te egkeiniyuǥan he para te langun he grupu. Is pengulu zan iyan si Ahiezer he anak ni Amishadai.

Josue 6:12

Ne kegkemeselem, utew midsayu med-enew si Josue. Ne mid-uwit en maan duen te menge memumuhat sikan is Kavan te Kebpekid-uyun te Nengazen,

Josue 6:14

Ne iyan heini ikezuwa he andew te kedliǥuy zan te kesevaha zutun te inged, ne kegkepasad dutun midlikù dan en maan diyà te kampu zan. Ne iyan heeyan mid-ulaula zan seled te heenem he andew.

Josue 6:4

Ipehuna nu is ebivinting duen te Kavan te Kebpekid-uyun ku keniyu he pitu he menge memumuhat he ed-uwit te tigselimbaha he vudyung. Ne emun ikepitu en he andew, ne kepipitu niw liǥuya haazà is inged, duma te menge memumuhat he ebpezaǥing te vudyung.

Josue 6:9

Ne midhuna zuen te menge memumuhat he ebpezaǥing te menge vudyung dan is duma he menge sundaru, ne is duma pa edtinundug duen te Kavan te Kebpekid-uyun. Ne kena egkeengked is kedaǥing te menge vudyung.