Josue 6:12 - Manobo Western Bukidnon OT

¹² Ne kegkemeselem, utew midsayu med-enew si Josue. Ne mid-uwit en maan duen te menge memumuhat sikan is Kavan te Kebpekid-uyun te Nengazen,

Josue 6:12 ပူးပေါင်းရင်းမြစ်များ

Genesis 22:3

Umbe, zutun te utew pa meselem te sunud he andew, midselem med-enew si Abraham ne midsilyahan din is asnu zin. Mibpengayu pa sikandin te idtavun dutun te pemuhat he edtutungen ne miduma zin is dezuwa he suluǥuen din wey is anak din he si Isaac ne migenat dan pehendiyà te vuvungan he migkaǥi te Megbevayà.

Deuteronomio 31:25

ne mibmenduan din is menge Levihanen he iyan kes ed-uwit duen te Kavan te Kebpekid-uyun te Nengazen. Migkaǥi sikandin te,

Josue 3:1

Utew midsayu med-enew si Josue wey is menge Israilihanen. Mid-awè dan diyà te Shitim ne midhendiyè dan te Wahig he Jordan. Migkampu zan dèpa zutun, te wazè pa sikandan medlayun.

Josue 6:11

Ne midtuman dan is insuǥù ni Josue, inliǥuy zan dutun te inged te kesevaha sikan is Kavan te Kebpekid-uyun te Nengazen. Ne kegkepasad midlikù dan diyà te kampu zan ne te kegkezukilem midlipezeng dan.

Josue 6:13

ne midhuna ǥihapun sikan is pitu he menge memumuhat he ebpezaǥing te menge vudyung. Ne iyan ded mibeelan duen te menge sundaru is: edhuna is duma ne is duma pa, edtinundug duen te Kavan te Kebpekid-uyun te Nengazen, ne idtulung dan en ibpezaǥing is menge vudyung.

Zatù 20:19

Umbe, hein mid-ilis he andew, meselem pa migkampu en is menge Israilihanen diyà te uvey te inged he Gibea.