Josue 5:14 - Manobo Western Bukidnon OT

¹⁴ Ne midtavak haazà is etew te, “Kenà a keniyu sundaru he zumezapig keniyu ne kenà a zaan keniyu kuntada. Midhengkayi a he peremandar te menge sundaru te Nengazen.” Ne impaahà ni Josue is kedtahud din su midlangkeb sikandin, ne zutun mid-insà sikandin te, “Datù, hengkey is idsuǥù nu kediey te suluǥuen nu?”

Josue 5:14 ပူးပေါင်းရင်းမြစ်များ

Genesis 17:17

Ne zutun midlangkeb en maan si Abraham diyà te tanà, ne mid-engit su ke sikandin diyà te ǥehinawa zin te, “Egkehimu ves he egkevuwad a, is maama he 100 en is penuiǥen din? Ne egkehimu ves daan he ed-anak si Sara is 90 en is penuiǥen din?”

Genesis 17:3

Ne zutun midlangkeb si Abram diyà te tanà ne migkaǥi en maan kandin is Megbevayà te,

2 Samuel 7:19

Ne guntaan, Nengazen he MEGBEVAYÀ, duen pa penaad nu mehitenged te egkepaabut te pemilya ku. Iyan be heini kes neleyaman en he ebeelan nu te etew?

2 Samuel 7:20

Hengkey pe be is egkekaǥi ku kenikew, Nengazen he MEGBEVAYÀ? Su netuenan nu en man ke hentei a is suluǥuen nu.

Salmo 110:1

Migkaǥi is Nengazen diyà te Nengazen ku he hadì te, “Pinuu ka kayi te egkekewanan ku, taman te igkepezizalem ku ziyà te menge paa nu is menge kuntada nu.”

Salmo 24:10

Hentei ves heini is mekeǥeǥehem he Hadì? Iyan sikandin sikan is Nengazen he Mekeǥeǥehem. Uya, iyan sikandin is mekeǥeǥehem he Hadì.

Exodus 4:10

Ne migkaǥi si Moises diyà te Nengazen te, “He Nengazen, wazè ku pa meseǥazi is mibmetau a he ebpengaǥikaǥi puun pa zengan taman en guntaan te kebpekidlalag nu kedì te suluǥuen nu. Kenà a metau he epengaǥikaǥi wey ngulit a zaan.”

Exodus 4:13

Piru migkaǥi en maan si Moises te, “He Nengazen, iyan nu keniyan ipevaal is sengeeetew en.”

Isaias 55:4

Midhimu ku sikandin he pengulu te menge nasyun, ne pinaaǥi kandin impeehè ku kandan is gehem ku.

Isaias 6:8

Ne nezineg ku is laǥeng te Nengazen he migkaǥi te “Hentei vuwa is edsuǥuen ku? Hentei vuwa is edhipanew para kenami?” Midtavak a te, “Heini e zed! Iyan a suǥua.”

Ezekiel 3:23

Umbe, midhendiyà a te suǥud, ne neehè ku is kebpenganlag te Nengazen iring te neehè ku ziyà te veyvey te Wahig he Kebar, ne midluhud a.

Daniel 10:13

Ne wazà a mekesayu mekeuma zini su mid-alang kedì is mulin-ulin he iyan pengulu te ginhedian he Persia seled te 21 he andew. Meupiya ganì su midtevangan a ni Miguel he sevaha zuen te menge pengulu te menge velinsuǥuen, su sebsevaha ku zà is nekidtebek duen te pengulu te Persia.

Daniel 10:21

Midhengkayi a su wey ku ikeseysey ziyà te kenikew is ingkesurat diyà te Libru he Midsuratan te Tutuu. Dutun te kebpekidtebek ku, ne wazà duma he nekeuǥup kedì, kekenà, iyan dà si Micael he pengulu te Israel.

Daniel 12:1

Ne migkaǥi pa sikan is henduen be te etew te, “Dutun he timpu, ebpeseǥazan ni Micael te menge etew is silut su insuǥù heini kandin te Megbevayà. Si Micael iyan sikan is lavew he pengulu he edlavan te menge zuma nu he menge Israilihanen. Utew mereǥen is kebpekesavuk te menge etew zutun he timpu, ne heeyan he kemeresayan wazè pa keenu mehitavù puun te kegkepuun kegketukud te menge nasyun. Piru edlibriyen puun keniyan te kemeresayan is menge zuma nu he menge Israilihanen he nekesurat is menge ngazan dan diyà te libru he midlistahan te menge etew he zuen dan untung he wazà pidtemanan.

Daniel 8:11

Mid-isip din he lavew sikandin he mekeǥeǥehem te Pengulu te menge linimbag diyà te langit. Impeengked din is andew-andew he kebpemuhat diyà te valey te Megbevayà, ne midèdeetan din is baley te Megbevayà.

Numero 16:22

Piru midluhud si Moises wey si Aaron he ke sikandan te, “He Megbevayà he ebpuunan te untung te langun he menge etew, edelehiǥen nu ve te pauk nu is langun he etew kayi te sevaha zè man is nekesalà?”

Numero 16:45

“Pekeziyù kew keniyan te menge etew su segugunè ku sikandan edèdeeti.” Ne midluhud sikandan is dezuwa.

Numero 22:31

Ne zutun impaahà te Nengazen ki Balaam is belinsuǥuen din he edhithitindeg diyà te zalan is egawed te ispada. Umbe midluhud si Balaam diyà te tanà.

Josue 20:1

Ne migkaǥi is Nengazen diyà te ki Josue te,