Josue 5:13 - Manobo Western Bukidnon OT

¹³ Ne hein diyà si Josue te uvey te Jerico, duen etew he neehè din he edhithitindeg diyà te etuvangan din he egkulang te ispada. Ne mid-insaan sikandin ni Josue te, “Sundaru zey ve sikew etawa kuntada zey sikew?”

Josue 5:13 ပူးပေါင်းရင်းမြစ်များ

Genesis 18:1

Ne mid-uman mebpaahà is Nengazen ki Abraham diyà te uvey te menge kayu he ulayan ni Mamre. Hein ebmeudtu zutun is andew, ebpimpinuu si Abraham diyà te ǥemawan te tulda zin.

Genesis 18:2

Mibpememantew si Abraham ne neehè din is tetelu he maama ziyà te uvey. Ne zutun te kegkaahaa zin, migaanggaan medsinuǥung ne midlangkeb diyà te tanà su edtahud.

Genesis 28:16

Ne nepukew si Jacob, ne ke sikandin te, “Wazè ku metueni he mibulusan bes te Nengazen heini he lugar.”

Genesis 33:1

Ne hein kebpantew ni Jacob, neehè din si Esau is ebpelingguma he edumahan te 400 he menge maama. Ne zutun, impedtetepizè din is menge anak din diyà te menge esawa zin he si Lea wey si Raquel, wey ziyà te menge suluǥuen dan he vahi.

Genesis 33:5

Ne hein neehè din is menge vahi wey menge vatà, ne mid-insaan din si Jacob te, “Hentei heini is menge zuma nu?” Ne midtavak si Jacob te, “Iyan heini menge anak ku he imbeǥey kediey te Megbevayà su ingkehizu e zin.”

1 Cronica 12:22

Kada andew ne zuen ebpemenhendiyà he menge etew te ki David su ed-uǥup dan kandin, taman te mibmezakel wey mibmelig-en is menge sundaru zin.

1 Cronica 21:27

Ne migkeǥiyan te Nengazen haazà is belinsuǥuen te ilikù din en haazà is lembitan din dutun te gumè din.

1 Cronica 21:30

Piru kenà ebpekehendiyà si David te kebpenginginsà te Megbevayà, su nahandek sikandin dutun te lembitan te velinsuǥuen te Nengazen.

Exodus 23:23

Edhuna ziyà te ibayè niw is belinsuǥuen ku ne edumahan kew zin diyà te tanà te menge Amorihanen, menge Hitihanen, menge Pirisihanen, menge Canaanhen, menge Hivihanen wey menge Jebusihanen, ne iyan a ebpuew kandan.

Daniel 10:5

Ne zutun duen neehè ku he henduen be te etew he mibivisti te linu, ne nekeliǥuy ziyà te hawak din is bakes he vulawan.

Daniel 8:3

Ne zutun duen neehè ku he meemahan he kerehidu he edhithitindeg diyà te veyvey zutun te wahig. Duen din dezuwa he sungey he memelayat. Piru hein netegteǥaad nekedtimpa haazà su mid-iseg mebmelayat is sevaha.

Numero 22:23

Ne hein naahà duen te asnu he midhitindeg is belinsuǥuen te Nengazen diyà te zalan he egkulang te ispada, midsuwey heini zuen te zalan ne ziyà mebayà te vevesukà. Umbe mibpenlagkut heini ni Balaam su wey medlikù duen te zalan.

Numero 22:31

Ne zutun impaahà te Nengazen ki Balaam is belinsuǥuen din he edhithitindeg diyà te zalan is egawed te ispada. Umbe midluhud si Balaam diyà te tanà.

Josue 6:2

Migkaǥi is Nengazen diyà te ki Josue te, “Ibpesakup ku keniyu is Jerico ragkes is hadì kayi wey menge sundaru.

Zatù 13:11

Migenat si Manoa he edtinundug te esawa zin. Ne hein neehè din sikan is etew, mid-insaan din te, “Iyan ke ve sikan is mibpekidlalag te esawa ku?” Ne midtavak sikandin te, “Uya.”

Zatù 13:22

Migkeǥiyan ni Manoa is esawa zin te, “Siguradu ebpatey ki su neehè ta is Megbevayà.”