Josue 5:1 - Manobo Western Bukidnon OT

¹ Netudtulan is langun he menge hadì he menge Amorihanen he ziyà te zapit te edsenlepan te Jordan wey is langun he menge hadì he menge Canaanhen he ziyà te veyvey te Mediteraneo ke mibmenumenu te Nengazen is kebpemezahi zin te Wahig he Jordan hein midlayun is menge Israilihanen. Umbe nengahandek sikandan ne naawà is kevurut dan te kebpekidtebek te menge Israilihanen.

Josue 5:1 ပူးပေါင်းရင်းမြစ်များ

Genesis 12:6

Ne hein nekeuma zan diyà te Canaan midlaus pa ensi Abram taman te zekelà he kayu he More he ziyà te inged he Shekem. (Ne zutun he timpu iyan meǥinged dutun is menge kevuwazan ni Canaan.)

Genesis 48:22

Ne sikew Jose is ebpekepenunud te Shekem kenà is menge suled nu. Heeyan he lugar ne naaǥew ku te kebpekidtebek ku te menge Amorihanen.”

2 Samuel 21:2

Kenà heini sikandan Israilihanen, kekenà, iyan heini kes nengesamà he menge uuyag te menge Amorihanen. Impenaad te menge Israilihanen he kenè dan en sikandan edhimetayan, piru si Saul, duen planu zin te kegeraa kandan tenged te igkeipeng din is Israel wey Juda. Impetawag ni David is menge Gibyunhen

1 Hadì 10:5

henduen be te kenà sikandin ebpeketuu. Iring ded hein neehè din is menge keenen diyà te lemisahan te hadì, is kedumala te menge upisyal zin, is kebpenilbi te menge suluǥuen din he mekempet is menge yunipurmi zan, is menge tigsilbi te vinu zin, wey is menge pemuhat he edtutungen he impemuhat din diyà te valey te Nengazen.

Ezra 9:1

Migkaǥi pa si Ezra te: Ne hein neulaula en heini, midhendiyà te kedì is menge pengulu te menge Judio he ke sikandan te, “Mahabet he menge etew te Israel, ragkes en is menge memumuhat wey menge Levihanen, is mid-iring te ulaula te menge etew ziyà te peliǥuy zan. Ebeelan dan is utew mezaat he menge vaal te menge Canaanhen, menge Hitihanen, menge Pirisihanen, menge Jebusihanen, menge Amorihanen, menge Moabitanhen, menge Ehiptohanen, wey menge Amunihanen.

Salmo 135:11

iring ki Sihon te hadì te menge Amorihanen, ki Og he hadì diyà te Bashan, wey is langun he menge hadì diyà te Canaan.

Exodus 23:28

Ebpehurunan ku te petiyukan is menge Hivihanen, menge Canaanhen, wey menge Hitihanen su wey mesegseg sikandan.

Isaias 41:5

“Is menge etew ziyà te meziyù he menge lugar, minsan is diyà te kinemeziyuan he vahin te kelibutan, nekaahà te menge vaal ku, ne migkerker sikandan te kegkahandek. Midtiǥum sikandan

Ezekiel 16:3

Keǥiyi nu sikandin he siak, is Nengazen he MEGBEVAYÀ, migkaǥi a ziyà te kandin te, ‘Sevaha ka he Canaanhen! Amorihanen is amey nu, ne Hitihanen is iney nu.

Ezekiel 21:7

Emun ed-insà sikandan ke maan is midag-es ka, keǥiyi nu sikandan he tenged te tudtul he ebpekepekerker, ebpekepeluya, ebpekepahandek, wey ebpekelipung kandan. Egkehitavù heini te kenà egkeuǥet. Iyan a, is Nengazen he MEGBEVAYÀ, is migkaǥi kayi.”

Daniel 5:6

Ne tenged dutun mibpengerker wey mibmemeluntak haazà is hadì te kegkahandek din.

Amos 2:9

Piru siak, is mibeelan ku para kandan te menge tig-Israel, iyan heini: mibpendezeetan ku is menge Amorihanen, minsan pa te memelangkew heini he menge etew he henduen be te kayu he sidru wey melig-en iring te kayu he ulayan. Mibpendezeetan ku sikandan taman te wazà nesamà kandan.

Numero 13:29

Is menge Amalikanhen diyà ed-ubpà te Negev; is menge Hitihanen, menge Jebusihanen, wey is menge Amorihanen diyà ed-ubpà te menge vuvungan; ne is menge Canaanhen diyà ed-ubpà te veyvey te zaǥat wey veyvey te Wahig he Jordan.”

Josue 17:12

Piru heini he menge inged wazà meubpai te menge kevuwazan ni Manase, su kenè dan egkesegseg is menge Canaanhen dutun.

Josue 17:18

Egkaangken niw zaan is menge ketelunan diyà te vuvungan. Hiǥewani niw haazà is menge ketelunan ne egkaangken niw is kinetivuukan kayi. Ebpekehimu kew te kedsegseg te menge Canaanhen minsan mekeǥeǥehem dan wey zuen dan menge kerwahi he putew.”

Josue 24:15

Iyan, emun kenè niw igkelipey is kebpenilbi te Nengazen, pilì kew ǥuntaan he andew ke hentei is edsilbiyan niw. Iyan be is menge ed-ezapen he midsilbiyan te menge kepuun niw ziyà layun te Wahig he Eufrates, etawa iyan is menge ed-ezapen te menge Amorihanen he mid-ubpaan niw ǥuntaan is tanè dan. Piru siak mulà wey is pemilya ku, Nengazen is kenami he edsilbiyan.”

Josue 3:16

ne mid-engked he edtudà haazà is wahig. Mibpundu is wahig diyà te sevaha he lugar he egngezanan te Adam, inged heini he uvey te Zaretan. Wazè en wahig he edtudà pehendiyà te Zaǥat te Araba, umbe nekelayun haazà is menge etew ziyà te lugar he uvey te Jerico.

Josue 3:17

Midhitindeg diyà te teliwazà dutun te nemezahan he wahig sikan is menge memumuhat he mibinting duen te Kavan te Kebpekid-uyun te Nengazen taman te nekelayun is langun he menge zuma zan.

Zatù 1:1

Hein minatey en si Josue, mid-insà is menge Israilihanen diyà te Nengazen ke hentei zuen te menge tribu zan is edhuna ebpekidtebek te menge Canaanhen.

Zatù 11:23

“Umbe iyan midsegseg te menge Amorihanen is Nengazen he Megbevayà te Israel, ne imbeǥey zin is tanè dan diyà te menge Israilihanen. Ne ǥuntaan edkesuatan niw te egkuwa heini?

Zatù 3:3

Iyan heini menge etew he midsamà te Nengazen: is menge meǥinged diyà te lelima he inged te menge Filistihanen, is langun he Canaanhen, menge Sidunhanen, wey menge Hivihanen he menge meǥinged diyà te menge vuvungan he Lebanon, he puun te Buntud he Baal Hermon taman te Lebo Hamat.

Zatù 4:2

Umbe, impesakup en maan sikandan te Nengazen ki Hadì Jabin he Canaanhen, he midhadì diyà te inged he Hazor. Is pengulu te menge sundaru ni Jabin iyan si Sisera he meǥinged diyà te Haroshet Hagoyim.

1 Samuel 25:37

Ne hein nehuwasan en dutun te meselem en, ne midtudtulan ni Abigail te neulaula. Ne zutun mid-etaki te zaru te gehinawa zin ne kenè en ebpekewaleng.