Josue 4:6 - Manobo Western Bukidnon OT

⁶ Ne vurvuruna niw heini ne veeli niw he munyumintu he tedeman te mibeelan te Nengazen, su para heini te huziyan he timpu, emun ed-insà is menge anak niw ke hengkey is kehuluǥan kayi he menge vatu,

Josue 4:6 ပူးပေါင်းရင်းမြစ်များ

Salmo 44:1

He Megbevayà, netudtul kenami te menge kepuun dey is mibpemeelan nu hein kaazen dan pa zutun te neuǥet en he timpu,

Salmo 71:18

Ne minsan pa te ebmeǥurang e en su ed-uvanen ad, ne kenà a kenikew pesegdana, Megbevayè ku, zutun te kebpenudtula ku te ǥehem nu wey zesen nu ziyà te huziyan he menge lapis te menge kevuwazan.

Exodus 12:14

“Ne heini he andew, ne tentenuzi niw heini minsan keenu. Silibraha niw heini kada tuig he iyan pista te kebeǥayi niw kedì te zengeg. Heini he sulunuzen, ne kinahanglan he edtumanen niw taman te peleebuten he menge lapis te kevuwazan.

Exodus 13:14

Dutun te huziyan he timpu, emun ed-insà is menge anak niw ke hengkey is ibpesavut dutun, ne ke sikiyu te, ‘Impeǥawas kiw te Nengazen puun diyà te Ehipto su midlibri kiw zin te kegkeuripena kenitew pinaaǥi te kegemita zin te ǥehem din.

Exodus 13:9

Heini he pista, igkepetug-iring te patik diyà te menge velad niw etawa vuked niw he ebpetanudtanud keniyu he kinahanglan he edtudtulen niw is insuǥù te Nengazen su impeǥawas kew zin diyà te Ehipto pinaaǥi te ǥehem din.

Exodus 31:13

he keǥiyi zin is menge Israilihanen: “Kinahanglan he edtumanen niw is menge ebpeveelan ku zutun te Andew te Kedhimeley, su iyan heini taman te taman he tuus diyà te pid-elangan tew he ebpetanudtanud keniyu he siak is Nengazen midhimu ku sikiyu he menge etew ku.

Isaias 38:19

Iyan dà ebpekezalig kenikew is menge uuyag iring te ebeelan ku ǥuntaan. Is kada lapis te kevuwazan ebpenudtul ziyà te edsunud he lapis te kevuwazan te kebmetinumanen nu.

Isaias 55:13

Edtuvù is menge kayu he sipris wey mirtu ziyà te edtuvuan guntaan te zuǥiyen he zezeisey he kayu. Tenged te kegkeul-ulaha kayi egkeveǥayan a te zengeg; egkehimu heini he tuus te kegkemekeǥeǥehem ku te wazà pidtemanan.”

Ezekiel 20:12

Impetuman ku zaan kandan is Andew te Kedhimeley he tuus te paaǥi te kedepitè dey. Ebpetanudtanud heini kandan he iyan a, is Nengazen mibpilì kandan wey zan mehimu he menge etew ku.

Ezekiel 20:20

Isipa niw he segradu is Andew te Kedhimeley su tuus heini te paaǥi te kedepitè tew, ne ebpetanudtanud heini keniyu he iyan a is Nengazen Megbevayè niw.”

Numero 16:38

zuen te menge teleǥuey he ebpuun duen te menge etew he nemematey tenged te menge salè dan. Ne ipelumpipì nu kandin sikan is menge teleǥuey ne ipekaple din haazà duen te pemuhatà su inhalad heini kayi te kediey ne nehimu heini he segradu. Ne heini he pekaplà duen te pemuhatà ne egkehimu he petizaan te menge Israilihanen.”

Deuteronomio 11:19

Ipenurù niw heini te menge anak niw. Ilalag niw heini kandan ke ziyè kew te valey niw wey ke edhipanew kew, zutun te kedhizeǥè niw wey zutun te ked-enew niw.

Josue 22:27

kekenà, para mehimu heini he tuus he ebpetanudtanud kenami, wey keniyu, wey te peleebuten he menge kevuwazan tew he ed-azap key zaan te Nengazen pinaaǥi te kebpemuhat te menge pemuhat he edtutungen, pemuhat he para te meupiya he kedepità, wey zuma pa he menge pemuhat diyà te Tulda he zutun sikandin ed-ezapa. Ne tenged kayi he pemuhatà kenà ebpekekaǥi is menge kevuwazan niw ziyà te menge kevuwazan dey he wazè dan lavet te Nengazen.

Josue 4:21

Migkeǥiyan ni Josue is menge Israilihanen te, “Keuzemà, emun ed-insaan kew te menge anak niw ke hengkey is kehuluǥan kayi te menge vatu,

Josue 4:5

“Hendiyè kew te teliwazà te wahig etuvangan duen te nesevukan te Kavan te Kebpekid-uyun te Nengazen he Megbevayè niw. Is kada sevaha keniyu ne megkuwa te sevaha he vatu he ed-uwiten din, sevaha te kada tribu te Israel.