Josue 3:8 - Manobo Western Bukidnon OT

⁸ Keǥiyi nu is menge memumuhat he ed-uwit duen te Kavan te Kebpekid-uyun ku he emun ebpekeuma zan en duen te Wahig he Jordan, ne mebpundu sikandan dutun te wahig.”

Josue 3:8 ပူးပေါင်းရင်းမြစ်များ

2 Hadì 2:6

Ne migkaǥi si Elias diyà te ki Elisha te, “Kayi ke zà, su ibpehendiyà a te Nengazen te Wahig he Jordan.” Midtavak si Elisha, “Ebpenangdù a ziyà te uuyag he Nengazen wey ziyà te kenikew he kenà a edsuwey kenikew.” Umbe midlaus sikandan medhipanew is dezuwa.

2 Cronica 29:15

Midtiǥum dan is menge zuma zan he menge Levihanen ne mibpekelumpiyu sikandan. Ne midlumpiyuwan dan is baley te Nengazen su iyan inmandù te hadì. Midsunud dan is migkaǥi te Nengazen.

2 Cronica 29:27

Ne mibmandù si Hezekia he ipemuhat en diyà te pemuhatà is menge pemuhat he edtutungen. Ne zutun te kebpemuhat, migkanta is menge etew te kedalig te Nengazen, he miduyuǥan te menge trumpita wey zuma pa he menge instrumintu he iring te mibpemeveelan dengan ni Hadì David he hadì te Israel.

2 Cronica 29:30

Midsuǥù ni Hadì Hezekia wey te menge upisyal zin is menge Levihanen te kedalig te Nengazen pinaaǥi te kegkentaha zan te menge kentahan he vineelan ni Hadì David wey ni Asaf he ebpeneuven. Ne melipayen sikandan he egkanta te menge kentahan he idalig dutun te midluhud sikandan is ed-azap te Megbevayà.

2 Cronica 30:12

Midhimu zaan te Megbevayà is menge tig-Juda he mesevaha sikandan te kedtuman te mandù te hadì wey te menge upisyal, sumalà is insuǥù te Nengazen.

Nehemias 13:22

Ne mibmenduan ku is menge Levihanen he mebpekelumpiyu zan, ne ventayi zan is menge pultahan su para isipa te menge etew he segradu he andew is Andew te Kedhimeley. Ne zutun mid-ampù a, ke siak te, “He Megbevayè ku, is-isipa nu heini is mibeelan ku, ne kehizuwi a kenikew sumalà te kezekelà te gaǥew nu.”

Nehemias 13:28

Si Joyada he anak te lavew he memumuhat he si Eliashib duen din anak he nekeesawa te anak ni Sanbalat he tig-Horon, umbe midsegseg ku sikandin.

Exodus 14:13

Ne midtavak si Moises te, “Kenè kew mahandek. Pekelig-en kew ne egkeehè niw is paaǥi te Nengazen te kedlibriya zin keniyu ǥuntaan he andew. Su heini is menge Ehiptohanen he egkeehè niw ǥuntaan, ne kenè niw en sikandan egkeuman egkaahà.

Penhulùhulù 3:26

Meupiya ke edtaǥad ki he mepelevayen te kedlibri te Nengazen kenita.

Josue 3:17

Midhitindeg diyà te teliwazà dutun te nemezahan he wahig sikan is menge memumuhat he mibinting duen te Kavan te Kebpekid-uyun te Nengazen taman te nekelayun is langun he menge zuma zan.

Josue 3:3

ne mibmenduan dan is menge etew te, “Emun egkeehè niw en he ebintingen en te menge memumuhat he menge kevuwazan ni Levi sikan is Kavan te Kebpekid-uyun te Nengazen he Megbevayè niw, ne tundug kew en kandan,

Josue 3:7

Ne zutun migkaǥi is Nengazen diyà te ki Josue te, “Guntaan he andew ebpuunan ku is kebeǥey kenikew te zengeg diyà te etuvangan te menge etew te Israel, ne egketuenan dan he ebpekiduma a kenikew iring te kebpekiduma ku ki Moises.

Josue 3:9

Ne zutun mid-umew ni Josue is menge etew te, “Hendini kew su edtudtulan ku sikiyu te migkaǥi te Nengazen he Megbevayè niw.

Josue 4:11

Ne hein nekelayun en sikandan is langun, inlaus daan ilayun duen te menge memumuhat sikan is Kavan te Kebpekid-uyun te Nengazen kandan. Ne midhunaan en maan duen te menge memuhat is menge etew.