Josue 3:3 - Manobo Western Bukidnon OT

³ ne mibmenduan dan is menge etew te, “Emun egkeehè niw en he ebintingen en te menge memumuhat he menge kevuwazan ni Levi sikan is Kavan te Kebpekid-uyun te Nengazen he Megbevayè niw, ne tundug kew en kandan,

Josue 3:3 ပူးပေါင်းရင်းမြစ်များ

2 Samuel 6:13

Hein keheenem en mekelangkad haazà is mid-uwit dutun te Kavan te Nengazen, impeteren sikandan ni David su nemuhat sikandin te sevaha he tudu he vaka wey sevaha he impelambù he turiti he vaka.

2 Samuel 6:3

Heini he Kavan te Kebpekid-uyun te Megbevayà ne ziyà te valey ni Abinadab he ziyà te vuntud. Migkuwa heini eni David, ne in-untud dan te veǥu he kerwahi. Si Uza wey si Ahio is menge anak ni Abinadab ne iyan migiya zutun te kerwahi; si Ahio ne iyan edhuna.

1 Hadì 8:3

Hein nevurun en is langun he menge edumala te Israel, ne migkuwa zuen te menge memumuhat wey menge Levihanen kes Kavan te Nengazen, ragkes en kes Tulda he Edtelevukaayan wey kes menge segradu he menge gelemiten kayi, ne mid-uwit dan heini langun petekezeg diyà te valey te Nengazen.

Jeremias 33:18

Wey layun daan duen menge memumuhat he menge kevuwazan ni Levi he ebpenilbi kedì wey ebpemuhat te menge pemuhat he edtutungen, menge pemuhat he para gasa, wey zuma pa he menge pemuhat.”

Numero 10:33

Umbe, mid-awà sikandan puun te vuntud te Nengazen ne midhipanew sikandan seled te tetelu he andew. Layun diyà te egkehunaan dan sikan is Kavan te Kebpekid-uyun su wey zan meturedu is lugar he egkehimelayan dan.

Numero 4:15

“Emun egkepasad en ni Aaron wey te menge anak din te edtambun sikan is Tulda he Edtelevukaayan wey is langun he menge gelemiten kayi, ne edtivalen heini te menge kevuwazan ni Kohat dutun te timpu te ked-awè niw puun te kampu niw. Piru kinahanglan he kenè dan semsama heini is segradu he menge vutang su wey zan kenà mebpatey. “Iyan haazà sikan is menge gelemiten duen te Tulda he Edtelevukaayan he ed-uwiten te menge kevuwazan ni Kohat.

Deuteronomio 31:25

ne mibmenduan din is menge Levihanen he iyan kes ed-uwit duen te Kavan te Kebpekid-uyun te Nengazen. Migkaǥi sikandin te,

Deuteronomio 31:9

Insurat ni Moises heini he menge suǥù ne imbeǥey zin diyà te menge memumuhat he menge kevuwazan ni Levi, he iyan ed-uwit duen te Kavan te Kebpekid-uyun te Nengazen, wey ziyà te langun he ebpemendumala te Israel.

Josue 3:4

su wey niw metueni ke hendei kew ebayà, su wazè kew pa keenu mekevayà kayi. Piru kenè kew utew uvey zuen te Kavan te Kebpekid-uyun. Pekeziyui niw heini te keziyù he menge 1,000 he mitrus.”

Josue 3:6

Ne migkeǥiyan daan ni Josue is menge memumuhat te, “Uwita niw en is Kavan te Kebpekid-uyun ne huna kew zutun te menge etew.” Ne midtuman dan haazà is migkaǥi ni Josue.

Josue 3:8

Keǥiyi nu is menge memumuhat he ed-uwit duen te Kavan te Kebpekid-uyun ku he emun ebpekeuma zan en duen te Wahig he Jordan, ne mebpundu sikandan dutun te wahig.”

Josue 4:10

Wazà med-engked he edhitindeg diyà te teliwazà duen te wahig is menge memumuhat taman te netuman te menge etew is langun he insuǥù te Nengazen ki Josue, he iyan ded sikan is insuǥù ni Moises ki Josue. Migaanggaan medlayun is menge etew.

Josue 6:6

Umbe, mid-umew ni Josue is menge memumuhat ne migkeǥiyan din te, “Uwita niw is Kavan te Kebpekid-uyun. Ne medhuna is pitu keniyu he ed-uwit te tigselimbaha he vudyung.”