Josue 3:17 - Manobo Western Bukidnon OT

¹⁷ Midhitindeg diyà te teliwazà dutun te nemezahan he wahig sikan is menge memumuhat he mibinting duen te Kavan te Kebpekid-uyun te Nengazen taman te nekelayun is langun he menge zuma zan.

Josue 3:17 ပူးပေါင်းရင်းမြစ်များ

2 Hadì 2:8

In-awà ni Elias is samput din ne midlumpì din, ne inlagkut din diyà te wahig. Ne neluwisan is nezalandalan he tanà ne zutun dan mebayà is edlayun.

Salmo 66:6

Nekehipanew is menge kepuun tew ziyà te zaǥat, su mibpengelinteuwan din he meluwis is daǥat su wey mekelepew is tanà; ne umbe edlipey kiw.

Exodus 14:21

Ne migketeng ni Moises is belad din diyà te zivavew zutun te zaǥat, ne zutun te tivuuk he kezukileman impehiyup te Nengazen haazà is daǥat te mevandes he keramag he ebpuun diyà te edsilaan ne zutun nevahin is daǥat ne neluwisan is nezalandalan he tanà diyà te zizalem dutun te zaǥat.

Exodus 14:22

Ne zutun mebayà is menge Israilihanen, te memaza he ibayà, ne ziyà te egkekewanan dan wey egkeǥivang dan is wahig he neiring te elavet.

Exodus 14:29

Piru is menge Israilihanen nekevayà mulà sikandan dutun te zaǥat su zuen dan med-ikul te neluwisan he nezalandalan he tanà, ne ziyà te egkekewanan dan wey egkeǥivang dan is wahig he iring te elavat.

Isaias 25:8

Id-awà te Nengazen he MEGBEVAYÀ is gehem te kemetayen ne ebpunasen din is luhà te langun he menge etew. Id-awè din is keelezan te menge etew zin puun te tivuuk he kelibutan. Egkehitavù heini su iyan migkaǥi kayi is Nengazen

Numero 33:51

“Keǥiyi nu is menge Israilihanen he emun edlayun dan en te Wahig he Jordan pehendiyà te Canaan

Josue 4:1

Hein nekelayun en is langun he menge etew te Israel te Wahig he Jordan, ne migkaǥi is Nengazen diyà te ki Josue te,

Josue 4:10

Wazà med-engked he edhitindeg diyà te teliwazà duen te wahig is menge memumuhat taman te netuman te menge etew is langun he insuǥù te Nengazen ki Josue, he iyan ded sikan is insuǥù ni Moises ki Josue. Migaanggaan medlayun is menge etew.

Josue 4:11

Ne hein nekelayun en sikandan is langun, inlaus daan ilayun duen te menge memumuhat sikan is Kavan te Kebpekid-uyun te Nengazen kandan. Ne midhunaan en maan duen te menge memuhat is menge etew.

Josue 4:22

tudtuli niw sikandan he memaza he tanà is midhipenawan te menge Israilihanen hein midlayun dan te Wahig he Jordan.

Josue 4:3

ne ipekuwa nu sikandan te tigselimbaha he vatu ziyà te teliwazà te Wahig he Jordan, duen mismu te midhitindeǥan te menge memumuhat. Ne uwita zan haazà diyà te lugar he zutun kew egkampu kengkuwan ke mezukilem.”

Josue 5:1

Netudtulan is langun he menge hadì he menge Amorihanen he ziyà te zapit te edsenlepan te Jordan wey is langun he menge hadì he menge Canaanhen he ziyà te veyvey te Mediteraneo ke mibmenumenu te Nengazen is kebpemezahi zin te Wahig he Jordan hein midlayun is menge Israilihanen. Umbe nengahandek sikandan ne naawà is kevurut dan te kebpekidtebek te menge Israilihanen.