Josue 3:14 - Manobo Western Bukidnon OT

^14-15 Timpu haazà te tiraǥun ne midalem haazà is wahig. Ne mid-awà is menge etew zuen te kampu zan su edlayun dan en duen te wahig. Ne iyan midhuna sikan is menge memumuhat he ebinting duen te Kavan te Kebpekid-uyun. Ne kebpekeǥiek duen te menge memumuhat duen te wahig,

Josue 3:14 ပူးပေါင်းရင်းမြစ်များ

Salmo 132:8

Agpas ka, Nengazen, hendiyè ke en te valey nu he ed-ezapan duma sikan is Kavan te Kebpekid-uyun he simbulu te ǥehem nu.

Jeremias 3:16

Emun egkeume en is timpu he utew kew en ebmahabet keniyan he tanà, ne kenè niw en human edtentenuzan is Kavan te Kebpekid-uyun ku keniyu. Kenè niw en heini ed-isipen wey edtentenuzan. Kenè kew en ebulungen kayi wey kenè kew en ed-uman ebaal te iring kayi.

Deuteronomio 31:26

“Kuwaa niw heini is Libru te Kesuǥuan ne isavuk niw ziyà te avey te Kavan te Kebpekid-uyun te Nengazen he Megbevayè niw. Ne kenà heini id-awà dutun su tistiǥus heini kuntra te menge etew te Israel.

Josue 24:11

“Ne midlayun kew te Wahig he Jordan ne nekeuma kew ziyà te Jerico. Nekidtebek keniyu is menge tig-Jerico, wey is menge Amorihanen, menge Pirisihanen, menge Canaanhen, menge Hitihanen, menge Girgasihanen, menge Hivihanen, wey menge Jebusihanen. Piru nezaag niw sikandan pinaaǥi kedì.

Josue 3:3

ne mibmenduan dan is menge etew te, “Emun egkeehè niw en he ebintingen en te menge memumuhat he menge kevuwazan ni Levi sikan is Kavan te Kebpekid-uyun te Nengazen he Megbevayè niw, ne tundug kew en kandan,

Josue 3:6

Ne migkeǥiyan daan ni Josue is menge memumuhat te, “Uwita niw en is Kavan te Kebpekid-uyun ne huna kew zutun te menge etew.” Ne midtuman dan haazà is migkaǥi ni Josue.

Josue 6:6

Umbe, mid-umew ni Josue is menge memumuhat ne migkeǥiyan din te, “Uwita niw is Kavan te Kebpekid-uyun. Ne medhuna is pitu keniyu he ed-uwit te tigselimbaha he vudyung.”