Josue 3:11 - Manobo Western Bukidnon OT

¹¹ Sigureduwa niw he egkehuna sikan is Kavan te Kebpekid-uyun te Nengazen he iyan ebayàbayà te tivuuk he kelibutan dutun te kedlayun niw te Wahig he Jordan.

Josue 3:11 ပူးပေါင်းရင်းမြစ်များ

1 Cronica 29:11

Gemhanan ka, telehuzen ka, dungganen wey ereg he edeliǥen. Su kenikew is langun diyà te langit wey zini te tanà. Iyan ka hadì, he Nengazen, wey lavew ka te langun.

Job 41:11

Hentei man is ebpekekaǥi te nekeutang a ziyà te kandin te ereg he ebelesan ku te meupiya? Te kediey man is langun he kayi te kelibutan.

Salmo 24:1

Is kelibutan wey is langun he ed-ubpà kayi, ne gaked te Nengazen.

Salmo 97:5

Nengetunew is menge vuvungan he henduen be te kendilà diyà te etuvangan te Nengazen, is Nengazen iyan ebayàbayà te tivuuk he kelibutan.

Isaias 3:12

Migkaǥi is Nengazen te, “Edèdaaǥen te menge vetan-en is menge etew ku. Iyan ebpengulu kandan is menge vahi. “Sikiyu is menge etew ku, edtezinen kew te menge pengulu niw. Diyè kew zan ibpeikul te kenà hustu he zalan.”

Isaias 54:5

Su siak is midlimbag kenikew, egkehimu a he iring te esawa nu. Mekeǥeǥehem he Nengazen is ngazan ku. Siak, is Waǥas he Megbevayà te Israel, iyan a Menluluwas nu. Egngezanan a he ‘Megbevayà te tivuuk he kelibutan.’

Jeremias 10:7

Hentei man is kenà edtahud kenikew te hadì te menge nasyun? Utew ke man dait he edtehuzen. Wazà ebpekeiring kenikew zuen te langun he uluwanen diyà te nekedseselekawà he menge nasyun, ne kenà ebpekeiring kenikew is langun he menge hadì dan.

Micas 4:13

“Sikiyu is menge meǥinged diyà te Zion, genat kew en ne zèdeeti niw is menge kuntada niw he iring te egunas kew te menge pungu. Su edhimuwen ku sikiyu he iring te tudu he vaka he putew is menge sungey zin ne brunsi is menge sulu zin. Edrunteken niw is mahabet he menge etew ziyà te menge nasyun he midtiǥum te kebpekidtebek keniyu. Ne is menge ketiǥeyunan dan he nekuwa zan pinaaǥi te kebpesipala ne idhalad niw kayi te kedì te Nengazen he iyan ebayàbayà te tivuuk he kelibutan.”

Zefanias 2:11

Utew sikandan ebpelihendeka te Nengazen su edezeetan din is langun he menge ed-ezapen kayi te kelibutan. Ne ed-azap kandin is menge etew ziyà te kada nasyun diyà te keugelingen dan he lugar.”

Zacarias 14:9

Iyan is Nengazen egkehimu he hadì te tivuuk he kelibutan. Iyan dà sikandin egkilelaan he Megbevayà ne wazè en duma.

Zacarias 4:14

Umbe, migkaǥi sikandin te, “Iyan kehuluǥan keniyan is dezuwa he etew he mibpilì para mekepenilbi te Nengazen he ebayàbayà te tivuuk he kelibutan.”

Zacarias 6:5

Midtavak haazà is belinsuǥuen, “Iyan heeyan heepat he mulin-ulin diyà te langit he migawas puun te etuvangan te Nengazen te kedtuman te ebpeveelan kandan kayi te tivuuk he kelibutan.”

Deuteronomio 9:3

Piru ǥuntaan egkeehè niw he iyan is Nengazen he Megbevayè niw edhuna edlayun he iring te hapuy he ebpekeepur te menge kuntada. Edaaǥen din sikandan su para melemu zà is kedsegseǥa niw wey kedezeeti niw kandan su iyan heini impenaad te Nengazen keniyu.

Josue 3:13

Ne emun ebpekeǥiek en te wahig is menge memumuhat he ebinting duen te Kavan te Kebpekid-uyun te Nengazen he iyan teǥiǥaked te tivuuk he kelibutan, ne ed-engked he edtudà is Wahig he Jordan. Is wahig he edtudà ne ebpundu ziyà te sevaha he lugar.”