Josue 3:10 - Manobo Western Bukidnon OT

¹⁰ Guntaan egketuenan niw he mibpekiduma keniyu is uuyag he Megbevayà, su emun edsurung kew en ne iyan sikandin edsegseg te menge Canaanhen, menge Hitihanen, menge Hivihanen, menge Pirisihanen, menge Girgasihanen, menge Amorihanen, wey menge Jebusihanen.

Josue 3:10 ပူးပေါင်းရင်းမြစ်များ

Genesis 15:21

menge Amorihanen, menge tig-Canaan, menge Girgasihanen, wey menge Jebusihanen.”

1 Hadì 22:28

Migkaǥi si Micaya te, “Emun ebpekelikù ka he kenà egkekeizan, ne wazà heeyan keǥiya te Nengazen pinaaǥi kedì.” Ne zutun migkeǥiyan ni Micaya is langun he menge etew zutun te, “Tentenuzi niw heini is migkaǥi ku!”

2 Hadì 19:4

Midsuǥù te hadì te Asiria is peremandar te menge sundaru zin te ked-undaunda te uuyag he Megbevayà. Kela ke seǥipaa te Nengazen he Megbevayè nu is mibpengaǥi zuen te peremandar te menge sundaru ne edsilutan sikandin tenged dutun, umbe pengemuyù ka para kenitew te nengesamà.’ ”

1 Cronica 1:14

Kepuun daan si Canaan te menge Jebusihanen, menge Amorihanen, menge Girgasihanen,

Salmo 42:2

Egkemezahan a kenikew he iyan uuyag he Megbevayà. Keenu e pa vuwa ebpekehendiyà te valey nu te ked-uvey ziyà te etuvangan nu?

Salmo 9:16

Impekilala te Nengazen ke hentei sikandin pinaaǥi te metazeng he kedhukum din, ne is lalung he menge etew, iyan nekezezaat kandan is mezaat he menge vaal zan.

Exodus 17:7

Ne haazà he lugar migngezanan, ni Moises te Masa wey Meriba, su geina te zutun sikandin tebeka te menge Israilihanen wey migezaman dan is Nengazen pinaaǥi te kegkaǥi te, “Midumahan kiw ve te Nengazen etawa wazà?”

Exodus 3:8

Ne umbe mibulus a su edlibriyen ku sikandan te menge pesipala kandan te menge tig-Ehipto, wey ibpaawè ku sikandan diyà te Ehipto ne ziyè ku sikandan ibpeubpà te tanà he meupiya wey meluag, tanà he egkeerubasa he ebpuunan te edtudà he ǥatas wey teneb he iyan ed-ubpaan te menge Canaanhen, Hitihanen, Amorihanen, Pirisihanen, Hivihanen wey Jebusihanen.

Exodus 33:2

Ne edsuǥuen ku is belinsuǥuen ku te keǥiya keniyu, ne edsegseǥen ku puun dutun te tanà is menge Canaanhen, menge Amorihanen, menge Hitihanen, menge Pirisihanen, menge Hivihanen, wey menge Jebusihanen.

Isaias 7:14

Umbe iyan mismu is Nengazen ebeǥey keniyu te tuus. Ne iyan heini tuus: Ebmeǥingey is betan-en he vahi ne ed-anak te maama. Ne egngezanan din haazà is batà te ‘Emmanuel.’

Jeremias 10:10

Piru iyan is Nengazen tutuu he Megbevayà. Iyan sikandin uuyag he Megbevayà ne Hadì sikandin te wazà pidtemanan. Emun egkepauk sikandin, egkehuyung is kelibutan ne ed-eles is diyà te menge nasyun.

Hoseas 1:10

Piru egkeuma is timpu he egkehizuwan ku sikandan wey edtuvazan ku; egkeiring sikandan kahabet te pantad diyà te veyvey te zaǥat he kenà egkesukud wey egkevilang. Guntaan egngezanan sikandan he ‘Kenà kediey he menge etew,’ piru ziyà te huziyan he timpu egngezanan sikandan te, ‘Menge anak te uuyag he Megbevayà.’

Numero 13:29

Is menge Amalikanhen diyà ed-ubpà te Negev; is menge Hitihanen, menge Jebusihanen, wey is menge Amorihanen diyà ed-ubpà te menge vuvungan; ne is menge Canaanhen diyà ed-ubpà te veyvey te zaǥat wey veyvey te Wahig he Jordan.”

Deuteronomio 31:17

Dutun he andew egkepeukan ku sikandan ne ed-engkezan ku sikandan. Ed-iniyuǥan ku sikandan ne egkengezeetan dan. Mahabet he menge kemeresayan wey menge kemereǥenan he ebpekeuma ziyà te kandan, ne zutun he timpu ebpekeinsè sikandan te, ‘Iyan be ingkeul-ulaha te menge kemereǥenan diyà te kenitew is tenged te wazè en mebpekiduma kenitew is Megbevayà?’

Deuteronomio 5:26

Duen be etew he egkeuyag minsan nezineg din is laǥeng te uuyag he Megbevayà he ebpuun te hapuy iring te nezineg tew?

Deuteronomio 7:1

“Emun ed-uwiten kew en te Nengazen he Megbevayè niw zutun te tanà he edselezan niw su ed-engkenen niw, ibpesegseg din keniyu is menge etew ziyà te pitu he nasyun he edhuna he mahabet wey edhuna he gehemanen kenà sikiyu: is menge Hitihanen, menge Girgasihanen, menge Amorihanen, menge Canaanhen, menge Pirisihanen, menge Hivihanen, wey menge Jebusihanen.

Deuteronomio 7:21

Kenè kew mahandek kandan su zuma niw is Nengazen he Megbevayè niw, ne mekeǥeǥehem sikandin wey egkein-inuwan he Megbevayà.

Josue 11:3

diyà te menge hadì te menge Canaanhen diyà te edsilaan wey edsenlepan te Wahig he Jordan, diyà te menge hadì te menge Amunihanen, diyà te menge hadì te menge Hitihanen, diyà te menge hadì te menge Pirisihanen, diyà te menge hadì te menge Jebusihanen he meǥinged diyà te menge vuvungan, wey ziyà te menge hadì te menge Hivihanen he menge meǥinged diyà te lugtenaan te Buntud he Hermon he ziyà te tanà he Mizpa.

Josue 21:45

Midtuman te Nengazen is langun he insaad din diyà te menge etew te Israel.

Josue 22:31

Umbe, migkaǥi si Finehas he anak te memumuhat he si Eleazar te, “Netuenan tew ǥuntaan he mibpekiduma kenitew is Nengazen su wazè kew medsupak kandin. Midlibri niw is Israel te silut te Nengazen.”

Josue 24:11

“Ne midlayun kew te Wahig he Jordan ne nekeuma kew ziyà te Jerico. Nekidtebek keniyu is menge tig-Jerico, wey is menge Amorihanen, menge Pirisihanen, menge Canaanhen, menge Hitihanen, menge Girgasihanen, menge Hivihanen, wey menge Jebusihanen. Piru nezaag niw sikandan pinaaǥi kedì.

Josue 3:9

Ne zutun mid-umew ni Josue is menge etew te, “Hendini kew su edtudtulan ku sikiyu te migkaǥi te Nengazen he Megbevayè niw.

Josue 9:1

Nezineg te langun he menge hadì diyà dapit te edsenlepan te Jordan is tudtul mehitenged te kebpekezaag te menge Israilihanen. (Iyan heini sikandan menge hadì te menge Hitihanen, menge Amorihanen, menge Canaanhen, menge Pirisihanen, menge Hivihanen, wey menge Jebusihanen.) Meǥinged sikandan diyà te menge vuvungan, menge mibuntud-buntud diyà te edsenlepan, wey menge veyvey te Zaǥat he Mediteraneo taman en te Lebanon.

1 Samuel 17:26

Mid-insaan ni David is menge etew he nemenhitindeg diyà te uvey zin, “Hentei ves heeyan is Filistihanen he wazà mekekilala te Megbevayà? Maan is ebpemenhinggat te menge sundaru te uuyag he Megbevayà? Ne hengkey is egkezawat te etew he ebpekepatey kandin wey meengked is kebpeel-elezi zin te Israel?”

1 Samuel 26:6

Migkeǥiyan ni David si Abimelec he Hitihanen wey si Abishai he anak ni Zeruya wey suled ni Joab te, “Hentei keniyu is eduma kedì te edhendutun te kampu ni Saul?” Midtavak si Abishai te, “Iyan a eduma.”