Josue 24:8 - Manobo Western Bukidnon OT

⁸ “Ne mid-uwit ku sikiyu ziyà te tanà te menge Amorihanen diyà dapit te edsilaan te Wahig he Jordan. Nekidtebek dan keniyu piru imbeǥey ku sikandan keniyu. Midèdeetan ku sikandan ne nekuwa niw is tanè dan.

Josue 24:8 ပူးပေါင်းရင်းမြစ်များ

Nehemias 9:22

“Impezaag nu kandan is menge ginhedian, menge nasyun, wey is menge meǥinged diyà te menge tanà he nekeelingkus kandan. Mid-aǥew zan is tanà he Heshbon he iyan edumala zutun si Hadì Sihon, wey is tanà he Bashan he iyan edumala zuen si Hadì Og.

Exodus 23:23

Edhuna ziyà te ibayè niw is belinsuǥuen ku ne edumahan kew zin diyà te tanà te menge Amorihanen, menge Hitihanen, menge Pirisihanen, menge Canaanhen, menge Hivihanen wey menge Jebusihanen, ne iyan a ebpuew kandan.

Amos 2:10

Impeǥawas ku zaan is menge kepuun te menge tig-Israel ziyà te Ehipto, ne seled te 40 he tuig is kegiyahi ku kandan diyà te sibsivayan su wey zan maangken is tanà te menge Amorihanen.

Amos 2:9

Piru siak, is mibeelan ku para kandan te menge tig-Israel, iyan heini: mibpendezeetan ku is menge Amorihanen, minsan pa te memelangkew heini he menge etew he henduen be te kayu he sidru wey melig-en iring te kayu he ulayan. Mibpendezeetan ku sikandan taman te wazà nesamà kandan.

Deuteronomio 2:32

“Hein nekidtebek kenitew si Sihon wey is langun he menge sundaru zin diyà te Jahaz,

Josue 13:10

Neragkes daan is langun he menge inged he zizalem te kebmandù ni Sihon te midhadì diyà te Heshbon, taman te zulunà te menge Amorihanen.