Josue 24:21 - Manobo Western Bukidnon OT

²¹ Piru midtavak is menge etew ziyà te ki Josue te, “Ebpenilbi key iyan te Nengazen.”

Josue 24:21 ပူးပေါင်းရင်းမြစ်များ

Exodus 19:8

Mid-uyun haazà is langun he menge Israilihanen te migkaǥi kandan ni Moises ne ke sikandan te, “Edtumanen dey is langun he insuǥù kenami te Nengazen.” Ne midtudtul ni Moises diyà te Nengazen is tavak te menge etew.

Exodus 20:19

Ne migkeǥiyan dan si Moises te, “Ebpemineg key minsan iyan ke zà ebpekidlalag kenami ne kenè nu en iyan ipepekidlalag kenami is Megbevayà su kela ke mebpemematey key.”

Exodus 24:3

Ne hein nekelikù sikandin diyà te menge etew migkaǥi zin kandan is langun he menge lalag wey menge velaud te Nengazen, ne mibperedredseey sikandan is edtavak te, “Ebeelan dey is minsan hengkey he nekaǥi te Nengazen.”

Exodus 24:7

Ne migkuwa zin sikan is Libru te Kebpekid-uyun te Megbevayà ne mibasa zin diyà te etuvangan te menge etew. Ne midtavak sikandan te, “Ebeelan dey is minsan hengkey he nekaǥi te Nengazen; ebpezumdumahan dey sikandin.”

Isaias 44:5

Duen egkaǥi te, ‘Gaked a te Nengazen,’ ne is duma egkaǥi te, ‘Kevuwazan a ni Jacob.’ Duen daan idsurat dan diyà te menge velad dan is ngazan te Nengazen, ne ed-isipen dan is keugelingen dan he ragkes sikandan te menge Israilihanen.

Deuteronomio 26:17

Impahayag niw ǥuntaan he iyan is Nengazen Megbevayè niw ne ebpengungubpaan kew te sungkad te menge paaǥi zin, wey edtumanen niw is menge suǥù din wey is imbeǥey zin he menge sulunuzen, ne edsunuzen niw sikandin.

Josue 24:20

Emun ed-engkezan niw is Nengazen ne ebpenilbi kew te zuma he menge ed-ezapen, egkepeukan kew zin ne edsilutan kew zin. Edèdeetan kew zin minsan pa te mibpurungan kew zin dutun te nehuna he timpu.”

Josue 24:22

Migkaǥi si Josue te, “Iyan kew en ebpeketistiǥus te keugelingen niw he penaad, nenaad kew he ebpenilbi kew te Nengazen.” Midtavak sikandan te, “Uya, iyan key en menge tistiǥus.”