Josue 24:19 - Manobo Western Bukidnon OT

¹⁹ Ne migkaǥi si Josue ziyà te menge etew te, “Kenè kew ebpekehimu he ebpenilbi te Nengazen su waǥas sikandin he Megbevayà wey tengelikuzen, su kenè din egkesuatan ke zuen selakew en he ed-ezapen niw. Kenè din ibpelavey is kebpekidsukulè niw wey menge salè niw.

Josue 24:19 ပူးပေါင်းရင်းမြစ်များ

2 Cronica 36:16

Piru mid-undaunda zan dà is menge ebpeneuven te Megbevayà, mid-engitan dan, wey wazè dan beliya is menge lalag kayi te menge ebpeneuven. Umbe nepeukan sikandan te Nengazen, ne wazà ebpekeeǥen kandin.

Salmo 99:3

Edeliǥen sikandin te menge etew su mekeǥeǥehem wey egkein-inuwan sikandin. Waǥas sikandin!

Salmo 99:5

Deliǥa is Nengazen he Megbevayè tew. Ezapa niw sikandin diyà te valey zin. Waǥas sikandin!

Salmo 99:9

Deliǥa is Nengazen he Megbevayè tew. Simbaha niw sikandin diyà te segradu he vuvungan he migaked din, su waǥas is Nengazen he Megbevayè tew.

Exodus 20:5

Kenè kew mebpenilbi wey med-azap kayi; su siak, is Nengazen, iyan a Megbevayè niw, ne kenà a egkesuat he zuen pa zuma he ed-ezapen niw. Edsilutan ku is menge nekesalà kedì, apil en is menge kevuwazan dan taman te iketelu wey ikeepat he lapis te kevuwazan dan he midselikwey kedì.

Exodus 23:21

Pemineǥa niw sikandin ne tumana niw is egkeǥiyen din. Kenè kew sukul kandin. Su is langun he ebeelan din, ebeelan din pinaaǥi te ngazan ku ne kenè din ebpekewezaan is menge salè niw, etawa kenè kew zin ebpeseyluwen te menge salè niw.

Exodus 34:14

Kenè kew med-azap te zuma he ed-ezapen, su siak is Nengazen, utew a egkeepes emun duen duma he ed-ezapen niw.

Exodus 34:7

Ibpeehè ku is kebmahala ku te mahabet he menge etew, ne ebpeseyluwen ku is kezaat dan, kerepasan dan, wey menge salè dan. Piru edsilutan ku is mekesesalà, ragkes is menge kevuwazan dan taman te iketelu wey ikeepat he lapis te kevuwazan.”

Isaias 2:9

Umbe, ebminusen is ked-etew te kada sevaha kandan wey ebpeel-elezan nu. Kenè nu sikandan peseyluwa, Nengazen!

Isaias 27:11

Ne hein nengeǥangu en haazà is menge subpang ne nengevadtì heini, ne ed-em-emuren te menge vahi su wey iketavun. Su is menge etew kayi he inged ne wazè dan kedsavut, kenà sikandan egkehizuwan te Megbevayà he mibaal kandan.

Isaias 30:11

Awè kew ziyà te ibayè dey, kenè key keniyu elangi. Kenè key en keniyu tudtuli mehitenged te Waǥas he Megbevayà te Israel.’ ”

Isaias 30:15

Migkaǥi pa is Nengazen he MEGBEVAYÀ, is Waǥas he Megbevayà te Israel te, “Likù kew kayi te kediey ne ipehulenè niw is gehinawa niw su edlibriyen ku sikiyu. Pekelinew kew ne sarig kew kedì su edlig-enan ku sikiyu. Piru kenè niw heini egkesuatan te ebaal.

Isaias 5:16

Piru is Nengazen mulà he Mekeǥeǥehem edeliǥen tenged te kedhukum din. Pinaaǥi te metazeng he kedhukum din, ibpeehè din he waǥas sikandin he Megbevayà.

Leviticus 10:3

Ne migkeǥiyan ni Moises si Aaron te, “Iyan heini ibpesavut te Nengazen hein migkaǥi sikandin te, ‘Kinahanglan he egkilelaan te menge memumuhat is kegkewaǥas ku, wey kinahanglan he ebeǥayan a te zengeg te langun he menge etew ku.’ ” Wazà meketavak si Aaron.

Leviticus 11:45

Iyan a Nengazen he mibpeǥawas keniyu puun te Ehipto su wey a mehimu he Megbevayè niw. Umbe mebpekesegradu kew su waǥas a.

Leviticus 19:2

he keǥiya zin heini ziyà te tivuuk he keet-etawan te Israel: Pengungubpaan kew he segradu su waǥas a is Nengazen he Megbevayè niw.

Leviticus 20:26

pengungubpaan kew he segradu su siak is Nengazen, waǥas a. Ne midhimu ku sikiyu he segradu puun te zuma he menge nasyun su wey kew mehimu he kediey.

Leviticus 20:7

Ihalad niw is keugelingen niw para kediey wey pengungubpaan kew he segradu, su iyan a kes Nengazen he Megbevayè niw.

Nahum 1:2

Kenà igkesuat te Nengazen he Megbevayà is ked-azap te menge etew te zuma he menge ed-ezapen. Nepeukan din is menge kuntada zin ne ebelesan din sikandan.

Habakuk 1:13

Geina te metazeng ka, ne kenè nu egkaantus is kedtengteng te kelelalung wey kegubut. Piru maan is mibey-anan nu zà is meluiven he menge tig-Babilonia? Maan is intuǥut nu he mezèdeeti zan is menge etew he emun idhindeg kandan ne edhuna sikandan he lalung?

Josue 24:18

Dutun te kedhengkayi tew te tanà, midsegseg te Nengazen is menge Amorihanen wey zuma pa he menge etew he ebpemen-ubpà kayi. Umbe ebpenilbi key zaan te Nengazen, su iyan sikandin Megbevayè dey.”

Josue 24:23

Migkaǥi si Josue te, “Emun iyan heeyan, engkezi niw en is menge ed-ezapen niw, ne penilbi kew te Nengazen he Megbevayà te Israel.”

Ruth 1:15

Ne zutun migkeǥiyan sikandin ni Naomi te, “Ruth, egenat en is izas nu su ed-ulì en diyà te menge kezuzumahi zin wey ziyà te zaan he ed-ezapen din. Umbe ulì ke en daan; duma ke en kandin.”

1 Samuel 3:14

Umbe, impenangdù ku he is salà te pemilya ni Eli taman te taman ne kenà egkepesaylu pinaaǥi te kebpemuhat te minsan hengkey he menge pemuhat.”

1 Samuel 6:20

Ne zutun nekekaǥi sikandan te, “Hentei is ebpekeetuvang te Nengazen, kes Waǥas he Megbevayà? Hendei tew vuwa ibpeuwit is Kavan te Nengazen para mekeziyù kayi te kenitew?”