Josue 24:16 - Manobo Western Bukidnon OT

¹⁶ Ne midtavak is menge etew te, “Wazà kayi te isip dey he ed-iniyuǥan dey is Nengazen wey ebpenilbi key te zuma he ed-ezapan.

Josue 24:16 ပူးပေါင်းရင်းမြစ်များ

Salmo 119:106

Edtumanen ku iyan is penangdù ku he edsunud a te metazeng he menge suǥù nu.

Josue 22:29

“Kenà egkehimu he edsupaken dey wey ed-iniyuǥan dey is Nengazen pinaaǥi te kebaal te keugelingen dey he pemuhatà he para ebpemuhatan te menge pemuhat he edtutungen, menge pemuhat he para gasa, wey zuma pa he menge pemuhat. Iyan dà is pemuhatà para te Nengazen he Megbevayè tew ziyà te Tulda he zutun sikandin ed-ezapa ereg he ebpemuhatan.”

Josue 24:15

Iyan, emun kenè niw igkelipey is kebpenilbi te Nengazen, pilì kew ǥuntaan he andew ke hentei is edsilbiyan niw. Iyan be is menge ed-ezapen he midsilbiyan te menge kepuun niw ziyà layun te Wahig he Eufrates, etawa iyan is menge ed-ezapen te menge Amorihanen he mid-ubpaan niw ǥuntaan is tanè dan. Piru siak mulà wey is pemilya ku, Nengazen is kenami he edsilbiyan.”

Josue 24:17

Is Nengazen he Megbevayè tew iyan mibpeǥawas kenitew wey te menge kepuun tew te kegkeuripen diyà te Ehipto. Ne neehè tew zaan is egkengein-inuwan he mibeelan din. Ne wazè din ituǥut he mekeizi kiw zuen te hipanew tew ziyà te teliwazà te menge nasyun he imbayè tew.

1 Samuel 12:23

“Emun mehitenged kediey, layun ku sikiyu ibpengemuyù diyà te Nengazen, su emun kenè ku heini ebeelan ne ebpekesalà a ziyà te Nengazen. Ne ebpenuruen ku sikiyu te kebpengungubpaan he meupiya wey hustu.