Josue 24:13 - Manobo Western Bukidnon OT

¹³ Mibeǥayan ku sikiyu te tanà he wazè niw heǥui. Impeubpè ku sikiyu ziyà te menge inged he kenè kew iyan mibangun duen. Egkaan kew ǥuntaan te menge paras wey menge ulibu he kenè kew iyan nemula zuen.

Josue 24:13 ပူးပေါင်းရင်းမြစ်များ

Exodus 6:8

Ne ziyè ku sikiyu ed-uwita te tanà he insaad ku he ibeǥey ku ziyà te ki Abraham, ki Isaac, wey ki Jacob. Ibeǥey ku haazà keniyu, ne egkaangken niw en. Iyan a sikan is Nengazen.’ ”

Erubasa 13:22

Is ketiǥeyunan te etew he metazeng ne egkepengevilin te menge apù din, iyan, is azen te mekesesalà, iyan ebpekaangken duen is menge metazeng.

Deuteronomio 19:1

“Emun edezeetan en te Nengazen he Megbevayè niw is menge etew ziyà te menge nasyun he ibeǥey zin keniyu is tanè dan, wey egkesegseg niw en sikandan ne ziyè kew en ebpemen-ubpà te menge inged dan wey menge valey zan,

Deuteronomio 8:7

Su ed-uwiten kew te Nengazen he Megbevayè niw ziyà te meupiya he tanà, he zuen duen edtudà he menge wahig wey menge teheb diyà te menge suǥud wey ziyà te menge vuvungan.

Josue 11:13

Iyan, wazà mulà binsuli te menge Israilihanen is menge inged he menge vuvungan, gawas te Hazor he mibinsulan ni Josue.

Josue 21:45

Midtuman te Nengazen is langun he insaad din diyà te menge etew te Israel.