Josue 24:10 - Manobo Western Bukidnon OT

¹⁰ Piru wazè ku tuǥuti si Balaam te kebaal kayi ziyà te keniyu. Edrewakan kew zin pezem piru mibpepenubtuvazan ku sikiyu ki Balaam, ne midlibri ku sikiyu te kegkeiza pezem keniyu ni Balak.

Josue 24:10 ပူးပေါင်းရင်းမြစ်များ

Isaias 54:17

Is kada ǥumaan he mibeelan su igkuntra kenikew ne kenà ebpekekaid kenikew, ne egketavak nu is menge ibpesangil kenikew. Is egkepengevilin te menge suluǥuen ku, iyan is kezeeǥan duma is ketazeng. Iyan a, is Nengazen, is migkaǥi kayi.”

Micas 6:5

He menge etew ku, tentenuzi niw he midsuǥù ni Hadì Balak he hadì te Moab si Balaam he anak ni Beor te kedrawak keniyu piru penuvadtuvad keniyu is impekaǥi ku ki Balaam. Tentenuzi niw zaan ke mibmenumenu ku sikiyu te edtavang hein midhipanew kew puun te Shitim pehendiyà te Gilgal. Tentenuzi niw heini he menge hitavù su wey niw meisip-isip is kedlibriya ku keniyu.”

Numero 22:35

Migkaǥi haazà is belinsuǥuen te Nengazen te, “Duma ka keniyan te menge etew, piru iyan nu zà keǥiya is egkeǥiyen ku ziyà te kenikew.” Umbe miduma si Balaam dutun te menge pengulu ni Balak.

Deuteronomio 23:5

Piru wazà pemineǥa te Nengazen he Megbevayè niw si Balaam. Kekenà, midhimu zin he tuvad sikan is rawak pezem keniyu, su mahal kew te Nengazen he Megbevayè niw.

Josue 24:11

“Ne midlayun kew te Wahig he Jordan ne nekeuma kew ziyà te Jerico. Nekidtebek keniyu is menge tig-Jerico, wey is menge Amorihanen, menge Pirisihanen, menge Canaanhen, menge Hitihanen, menge Girgasihanen, menge Hivihanen, wey menge Jebusihanen. Piru nezaag niw sikandan pinaaǥi kedì.