Josue 23:9 - Manobo Western Bukidnon OT

⁹ “Midsegseg te Nengazen is menge etew ziyà te zezekelà wey mekeǥeǥehem he menge nasyun hein midsurung niw sikandan, ne taman en guntaan ne wazè pa minsan sevaha he nekezaag keniyu.

Josue 23:9 ပူးပေါင်းရင်းမြစ်များ

1 Hadì 21:26

Mid-ulaula sikandin te utew mezaat he vaal pinaaǥi te ked-azap te zuma he menge ed-ezapen, iring te mibeelan te menge Amorihanen he midsegseg te Nengazen puun kayi he tanà hein nekeuma is menge Israilihanen.)

2 Cronica 20:7

He Megbevayè dey, kenè be is menge meǥinged kayi he tanà impesegseg nu te menge etew nu he menge Israilihanen? Kenè be imbeǥey nu heini he tanà kandan te menge kevuwazan ni Abraham he emiǥu nu, su wey zan maangken heini taman te taman?

Exodus 23:23

Edhuna ziyà te ibayè niw is belinsuǥuen ku ne edumahan kew zin diyà te tanà te menge Amorihanen, menge Hitihanen, menge Pirisihanen, menge Canaanhen, menge Hivihanen wey menge Jebusihanen, ne iyan a ebpuew kandan.

Exodus 23:30

Ednenenayan ku sikandan te edsegseg su para meiseg kew pa mevuwad su wey niw meeneb haazà is tanà.

Deuteronomio 11:23

edsegseǥen te Nengazen is menge etew zuen te menge nasyun dutun te tanà he ed-engkenen niw minsan dekelè dan wey mekeǥeǥehem dan kenà keniyu.

Deuteronomio 7:24

Ibeǥey zin diyà te keniyu is menge hadì dan. Ne penhimetayi niw sikandan, ne egkelipatan en sikandan. Wazà minsan sevaha kandan he ebpekezaag keniyu, ne emina niw sikandan te edhimatey.

Josue 1:5

“Wazà ebpekezaag kenikew mintras uuyag ke pa. Su ebpekiduma a kenikew iring te kebpekiduma ku ki Moises. Kenè ku sikew ed-ewaan wey ebpesegdanen.

Josue 15:14

Midsegseg ni Caleb puun dutun he tanà is tetelu he kevuwazan ni Anak he iyan is menge pemilya ni Sheshai, ki Ahinam, wey ki Talmai.

Josue 23:5

Egkehimu he egkeangken niw zed is menge tanè dan, sumalà te impesarig keniyu te Nengazen he Megbevayè niw. Su edsegseǥen sikandan te Nengazen.

Josue 23:8

Pezumazuma kew te Nengazen he Megbevayè niw, iring te nehuna he mibeelan niw.

Josue 24:18

Dutun te kedhengkayi tew te tanà, midsegseg te Nengazen is menge Amorihanen wey zuma pa he menge etew he ebpemen-ubpà kayi. Umbe ebpenilbi key zaan te Nengazen, su iyan sikandin Megbevayè dey.”