Josue 23:7 - Manobo Western Bukidnon OT

⁷ Kenè kew pekidsevaha te menge etew ziyà te menge nasyun he kemulu zuma niw, kenè niw sempita is ngazan te menge ed-ezapen dan wey kenè kew penangdù pinaaǥi te kegemita te ngazan kayi. Kenè kew zaan med-azap wey mebpenilbi kandan.

Josue 23:7 ပူးပေါင်းရင်းမြစ်များ

2 Hadì 17:12

Mid-azap dan te zuma he menge ed-ezapen. Minsan pa te migkaǥi is Nengazen te, “Kenè kew med-azap te zuma he menge ed-ezapen.”

2 Hadì 5:18

Piru, datù, berakat he peseyluwa a te Nengazen emun eduma a te hadì diyà te simbahan para te ed-ezapen he si Rimon te kedsimba zutun. Su iyan igkeveeli ku kayi su ǥeina te upisyal a he sineriǥan te hadì. Ne verakat he peseyluwa a te Nengazen emun edluhud a zutun.”

2 Cronica 7:19

Piru emun ed-iniyuǥan a keniyu ne kenè niw edtumanen is menge suǥù wey menge sulunuzen he imbeǥey ku keniyu, wey ke ebpenilbi kew wey ed-azap te zuma he menge ed-ezapen,

Salmo 16:4

Piru is menge etew he edsarig te menge ed-ezapen ed-iseg dà is kelised dan. Ne kenà a edtampu kandan te kebpelengesa zan para te zuma he menge ed-ezapen, ne kenè ku ebpengum-umawen is menge ngazan keniyan he menge ed-ezapen.

Exodus 20:5

Kenè kew mebpenilbi wey med-azap kayi; su siak, is Nengazen, iyan a Megbevayè niw, ne kenà a egkesuat he zuen pa zuma he ed-ezapen niw. Edsilutan ku is menge nekesalà kedì, apil en is menge kevuwazan dan taman te iketelu wey ikeepat he lapis te kevuwazan dan he midselikwey kedì.

Exodus 23:13

Purungi niw tumana heini is langun he migkaǥi ku keniyu. Kenè kew ampù diyà te zuma he menge ed-ezapen, ne kenè niw hisguti is ngazan dan.”

Exodus 23:33

Kenè niw sikandan ipeubpà diyà te tanè niw, su iyan sikandan ibpekesalè niw kayi te kediey. Su emun ed-azap kew te menge ed-ezapen dan, ne iring heini te penuǥes he ebpekeutel keniyu.”

Erubasa 4:14

Kenè nu iringi is menge vaal te menge lalung.

Jeremias 12:16

Emun ebpurungan dan ed-istudyuwi is menge paaǥi te kebpengungubpaan te menge etew ku ne edheǥeten dan is penangdù dan pinaaǥi te ngazan ku, iring te impenurù dan dengan te menge etew ku he kedheǥeta te penangdù pinaaǥi te ngazan ni Baal, egkehimu zan he kevahin te menge etew ku.

Jeremias 5:7

Migkaǥi is Nengazen te, “Kenè ku en sikiyu ebpeseyluwen. Su minsan is menge anak niw midselikwey kedì, wey emun edheǥeten dan is penangdù dan, ngazan te tarù he megbevayà is egemiten dan. Imbeǥey ku kandan is menge kinahanglan dan piru nekehimu zan gihapun he ebpengumpadi, ne edhahasekhasek dan en diyà te valey te menge vahi he ebelegyà te zengeg dan.

Hoseas 2:17

Ne kenè ku en keniyu ibpepengumew-umew is menge ngazan ni Baal.

Zefanias 1:5

Edezeetan ku zaan is menge ebpemenahik diyà te atep te valey zan su ed-azap dan te andew, bulan, wey menge vituen. Edezeetan ku is menge ed-azap wey nenangdù he ebpenilbi kayi te kedì piru nenangdù daan he ebpenilbi ziyà te ed-ezapen he si Molec.

Numero 32:38

ragkes is menge lugar he egngezanan dan hein aney te Nebo wey Baal Meon, wey Sibma. Mid-ilisan dan is menge ngazan te menge inged he mid-uman dan benguna.

Numero 33:55

“Iyan, emun kenè niw edsegseǥen is menge meǥinged duen, is egkesamà kandan egkehimu he velavag diyà te egkehunaan niw; egkehimu sikandan he pesek te menge mata niw wey duǥi ziyà te tengkilizan niw. Ebpekeveǥey sikandan te kesamuk te ked-ubpè niw.

Deuteronomio 10:20

Tehuza niw is Nengazen he Megbevayè niw wey silbiyi niw sikandin. Kenè kew awà diyà te kandin ne ngazan din dà is gemita niw emun ebpenangdù kew.

Deuteronomio 6:13

“Tehuza niw is Nengazen he Megbevayè niw; iyan niw zà sikandin silbiyi, ne ngazan din dà is gemita niw emun ebpenangdù kew.

Deuteronomio 6:14

Kenè kew medsunud te zuma he menge ed-ezapen, he menge ed-ezapen te menge etew he nekeelingkus keniyu;

Josue 23:12

“Iyan, emun ed-iniyuǥan niw sikandin, wey ebpekidsevaha kew te menge etew kayi te menge nasyun he kemulu pa menge zuma niw, wey ebpekid-esawa kew kandan,

Josue 23:8

Pezumazuma kew te Nengazen he Megbevayè niw, iring te nehuna he mibeelan niw.