Josue 23:4 - Manobo Western Bukidnon OT

⁴ Mibahinbahin ku en keniyu he para egkepengevilin te menge tribu niw is langun he tanà kayi te menge nasyun he naaǥew ku. Heini he tanà puun te Wahig he Jordan diyà dapit te edsilaan pehendiyà te Zaǥat he Mediteraneo diyà te edsenlepan. Elin daan is menge tanà te menge etew ziyà te menge nasyun he wazè tew pa maaǥew.

Josue 23:4 ပူးပေါင်းရင်းမြစ်များ

Salmo 105:11

Migkaǥi sikandin diyà te kada sevaha kandan te, “Ibeǥey ku kenikew is tanà he Canaan ne egkepengevilin nu heini wey te menge kevuwazan nu.”

Salmo 78:55

Midsegseg din sikandan pehendiyà te meziyù te menge etew zin, ne mibahinbahin din haazà is tanà. Mibehinan is kada tribu te Israel su para maangken dan haazà, ne zutun din sikandan ipeubpà.

Exodus 23:30

Ednenenayan ku sikandan te edsegseg su para meiseg kew pa mevuwad su wey niw meeneb haazà is tanà.

Zefanias 3:6

“Guntaan migkaǥi is Nengazen te, ‘Midezeetan ku is menge nasyun; midwaǥey ku is menge inged dan ragkes is menge verengbeng wey menge turi kayi. Wazà nesamà he menge meǥinged dutun, umbe wazè en etew he egkaahà he edhiphipanew ziyà te menge zalan dan.

Deuteronomio 12:29

“Ebpengelinteuwan te Nengazen he Megbevayè niw he mezezeeti niw is menge etew ziyà te menge nasyun he edsurungen niw. Segseǥa niw is menge meǥinged duen ne ubpai niw is lugar zan.

Josue 13:2

Iyan heini menge tanà he wazè pa maaǥew: Is langun he menge tanà te menge Filistihanen wey menge Gisurhanen

Josue 18:10

Ne pinaaǥi te kedripa mibeǥayan ni Josue te kandan he vahin is menge tribu te Israel he wazè pa kandan he tanà.

Zatù 2:21

kenè ku en edsegseǥen is menge etew he nesamà dutun te tanà he wazà mesakup ni Josue zutun te uuyag pa sikandin.