Josue 23:13 - Manobo Western Bukidnon OT

¹³ siguradu kenè en edsegseǥen te Nengazen he Megbevayè niw heini he menge etew. Egkehimu sikandan he pekaid keniyu. Egkesekitan kew tenged kandan he henduen be te edletiguwen is menge peka niw etawa edtiyuken te zuǥi is menge mata niw. Ne kenà heini egkeengked taman te kebpemematey niw kayi te meupiya he tanà he imbeǥey keniyu te Nengazen he Megbevayè niw.

Josue 23:13 ပူးပေါင်းရင်းမြစ်များ

1 Hadì 11:4

Hein meǥurang en sikandin neuwit sikandin te menge esawa zin te ked-azap te zuma he menge ed-ezapen. Kenè en meupiya is kedepitè dan te Nengazen he Megbevayè din; kenà sikandin iring te amey zin he si David.

2 Hadì 17:18

Nepeukan utew te Nengazen is menge Israilihanen ne impaawè din sikandan diyà te lugar zan, ne nekepekeziyù sikandan kandin. Iyan dà nesamà is tribu ni Juda.

2 Hadì 17:20

Umbe inselikwey te Nengazen is langun he menge etew ziyà te Israel. Midsilutan din sikandan pinaaǥi te kebeǥaya zin kandan diyà te menge midsurung kandan taman te impaawè din sikandan puun te lugar zan ne nekepekeziyù sikandan kandin.

2 Hadì 25:21

he sakup te Hamat. Ne zutun impehimetayan sikandan duen te hadì. Umbe is menge etew ziyà te Juda nekepekeziyù diyà te tanè dan he menge vihag.

2 Hadì 25:26

Ne tenged kayi, nemelaǥuy pehendiyà te Ehipto is langun he menge etew zutun puun te pinekelavew pehendiyà te kineminusan, ragkes en is menge upisyal wey menge sundaru, su nahandek dan he kela ke mebpenimales is menge tig-Babilonia.

Salmo 69:22

Emun egastu sikandan, berakat he mehimu haazà he igkezeeti zan duma te menge meǥeliyug dan.

Exodus 10:7

Ne migkaǥi sikan is menge upisyal te hadì diyà te kandin te, “Ebpekesigudu en ebpekeveǥey kenitew te kezeetan heeyan he etew, umbe deyzey ke edtuǥutan nu en sikandan te kegenat su wey zan maazap is Nengazen he Megbevayè dan. Su isipa nu man, nezeetan en heini is Ehipto.”

Exodus 23:33

Kenè niw sikandan ipeubpà diyà te tanè niw, su iyan sikandan ibpekesalè niw kayi te kediey. Su emun ed-azap kew te menge ed-ezapen dan, ne iring heini te penuǥes he ebpekeutel keniyu.”

Exodus 34:12

Kenè ka mebpekid-uyun diyà te menge etew he ebpemen-ubpà diyà te tanà he ebeyaan niw, su ebpekekaid keniyu is kebpekid-uyun niw kandan.

Exodus 34:16

Ne egkehimu zaan he ebpemengesawa ziyà te kandan is menge anak niw he maama, ne tenged dutun egkehimu he ed-azap dan te menge ed-ezapen dutun te menge etew.

Ezekiel 28:24

“Dutun he timpu wazè en menge etew ziyà te menge nasyun he siringan te Israel he edsudì te menge Israilihanen he ebpekepesakit kandan he iring te medidis menge zuǥi. Ne egketuenan dan dutun he iyan a Nengazen he MEGBEVAYÀ.”

Numero 33:55

“Iyan, emun kenè niw edsegseǥen is menge meǥinged duen, is egkesamà kandan egkehimu he velavag diyà te egkehunaan niw; egkehimu sikandan he pesek te menge mata niw wey duǥi ziyà te tengkilizan niw. Ebpekeveǥey sikandan te kesamuk te ked-ubpè niw.

Deuteronomio 29:28

Tenged te zekelà he pauk te Nengazen kandan, midsegseg din sikandan puun te nasyun dan ne impevihag din sikandan te zuma he menge nasyun he zutun sikandan guntaan ebpemen-ubpà.’

Deuteronomio 30:18

ne ebpetizeenan ku en sikiyu ǥuntaan he kenà duwazuwa he egkengezeetan kew. Kenè kew ebmantas duen te tanà he edselezan niw su ed-engkenen niw he ziyà layun te Jordan.

Deuteronomio 4:26

“Guntaan he andew ibpetistiǥu ku is langit wey tanà he emun ebaal kew te ledawan he ed-ezapen ne meǥaan kew zà egkahanew puun duen te tanà he ed-engkenen niw ziyà layun te Jordan. Mevavè dà he timpu is kebpekeubpè niw zutun ne egkepurung kew en egkezeeti.

Deuteronomio 7:16

Kinahanglan he egeraan niw is langun he menge etew he ibeǥey keniyu te Nengazen he Megbevayè niw. Kenè niw sikandan kehizuwi, wey kenè kew mebpenilbi te kandan he menge ed-ezapen su pekaid heini keniyu.

Zatù 2:21

kenè ku en edsegseǥen is menge etew he nesamà dutun te tanà he wazà mesakup ni Josue zutun te uuyag pa sikandin.