Josue 23:12 - Manobo Western Bukidnon OT

¹² “Iyan, emun ed-iniyuǥan niw sikandin, wey ebpekidsevaha kew te menge etew kayi te menge nasyun he kemulu pa menge zuma niw, wey ebpekid-esawa kew kandan,

Josue 23:12 ပူးပေါင်းရင်းမြစ်များ

Genesis 2:24

Iyan heini hinungdan ke maan is ed-ewaan te maama is amey zin wey iney zin ne ebpengesawa te vahi, ne zutun egkehimu haazà is maama wey vahi he sevaha zà.

Genesis 34:3

Utew zin nesuati si Dina, ne utew zin mibmahal ne midneyneyuan din.

1 Hadì 11:2

Daan en he migkeǥiyan te Nengazen is menge Israilihanen he kenè dan mebpengesawa etawa mebpeesawa te ebpuun keniyan he menge nasyun, su ebpekeuwit kandan is menge esawa zan wey zan mekaazap te zuma he menge ed-ezapen. Piru mibmahal gihapun ni Solomon heini he menge vahi.

1 Hadì 11:4

Hein meǥurang en sikandin neuwit sikandin te menge esawa zin te ked-azap te zuma he menge ed-ezapen. Kenè en meupiya is kedepitè dan te Nengazen he Megbevayè din; kenà sikandin iring te amey zin he si David.

Salmo 125:5

Piru siluti nu zuma te menge lalung is menge etew nu he edsunud te mezaat he vetasan. Berakat he meupiya is kebpekesavuk te menge etew te Israel!

Salmo 36:3

Mezaat wey tarù is menge lalag din, ne kenè din en ed-ul-ulahan is hustu wey meupiya.

Isaias 1:4

Mekesesalà sikandan he nasyun, menge etew he utew subra is kelelalung dan, kevuwazan sikandan te mememaal te mezaat wey mesipala. Inselikwey zan wey mid-undaunda is Nengazen, kes Waǥas he Megbevayà te Israel, ne mid-iniyuǥan dan sikandin.

Ezekiel 18:24

“Piru emun ed-engked he edtinazeng is etew he metazeng ne ebpengungubpaan duma is kebaal te salà wey kebaal te utew mezaat he menge vaal he ebeelan te lalung he menge etew, ebpedayun be is kegkeuyag-uyag din? Kenà! Su edlipatan is langun he metazeng he menge vaal zin. Ne tenged te kedluib din kedì wey te menge salà he neveelan din, ebpatey sikandin.

Zefanias 1:6

Edezeetan ku is menge mid-iniyug kedì wey is menge wazà medangep kayi te kedì.

Deuteronomio 6:15

su is Nengazen he Megbevayè niw he miduma keniyu, kenà egkesuat he ed-azap kew te zuma. Emun ed-azap kew te menge ed-ezapen te zuma he menge etew ibpeǥezaman keniyu te Nengazen is pauk din ne edezeetan kew zin kayi te tanà.

Deuteronomio 7:3

Kenè kew mebpemengesawa wey mebpemeesawa kandan, wey kenè niw tuǥuti is menge anak niw he ebpemengesawa wey ebpemeesawa te menge anak dan,

Deuteronomio 7:4

su ebpekepekeziyù diyà te Nengazen is menge anak niw su ziyè dan man ibpepenilbi te zuma he menge ed-ezapen. Ne emun egkehitavù heeyan ne ibpeǥezaman keniyu te Nengazen is pauk din ne egkengezeetan kew.

Josue 23:11

Umbe, sigureduwa niw he mahal niw is Nengazen he Megbevayè niw.

Zatù 14:3

Piru midtavak is menge ginikanan din te, “Maan is egkesuat ka he ebpengesawa te Filistihanen he wazà medtuu te Megbevayà? Wazè be nepilian nu ziyà te menge kezuzumahi tew?” Midtavak ni Samson is amey zin te, “Basta iyan niw kedì ipeesawa sikandin.”

Zatù 3:6

Midtuǥutan te menge Israilihanen is menge anak dan te kebpemengesawa wey kebpemeesawa kayi he menge etew, ne mid-azap dan is menge ed-ezapen kayi he menge etew.