Josue 22:9 - Manobo Western Bukidnon OT

⁹ Ne zutun nemen-ulì is tribu ni Reuben, ni Gad, wey is ketengà he tribu ni Manase. Mid-ewaan dan is menge zuma zan he menge Israilihanen diyà te Shilo, he tanà te Canaan ne nemen-ulì sikandan diyà te Gilead, sikan is tanà he nehimu he vahin dan he insuǥù te Nengazen ki Moises he iveǥey ziyà te kandan.

Josue 22:9 ပူးပေါင်းရင်းမြစ်များ

2 Samuel 2:9

Dutun impahayag ni Abner he iyan si Ishboshet hadì te tivuuk he Israel, ragkes en kayi is menge lugar ziyà te Gilead, Ashuri, Jezreel, Efraim, wey Benjamin.

1 Cronica 5:9

Ne tenged te utew en mibmezakel is menge uyaǥen dan diyà te Gilead ne neeneb dan en is dapit te edsilaan he kilid en te disirtu pehendiyà te Wahig he Eufrates.

Salmo 60:7

Kediey is Gilead wey is Manase. Is Efraim iyan menlelavan ku, ne is Juda iyan perezumala ku.

Numero 32:1

Is tribu ni Reuben wey ni Gad duen dan utew mezakel he menge uyaǥen. Umbe hein neehè dan he meupiya he lugar para te menge uyaǥen is tanà diyà te Jazer wey Gilead,

Numero 32:20

Migkeǥiyan sikandan ni Moises te, “Emun tutuu ziyà te ǥehinawa niw kayi te etuvangan te Nengazen is kebpekiduma niw te kebpekidtebek,

Numero 32:22

ne emun egkepurung en egkaangken te menge Israilihanen haazà is tanà, ne egkehimu en he edlikù kew kayi su egketuman niw en is ketengdanan niw ziyà te Nengazen wey ziyà te menge zuma niw he menge Israilihanen. Ne heini he tanà egkehimu en he keniyu ziyà te etuvangan te Nengazen.

Numero 32:26

Kayi zà, te Gilead is menge esawa zey, menge anak dey, wey menge uyaǥen dey.

Numero 32:29

Ke sikandin te, “Emun tutuu ziyà te ǥehinawa niw kayi te etuvangan te Nengazen he edlayun te Jordan is menge sakup te tribu ni Gad wey ni Reuben te kebpekidtebek, ne emun egkaaǥew niw en haazà is tanà, ne iveǥey niw kandan is tanà he Gilead he kandan he tanà.

Deuteronomio 3:18

“Dutun he timpu mibmenduan ku is menge tribu niw he ziyà ebpen-ubpà te zapit te edsilaan te Wahig he Jordan, he ke siak te, ‘Minsan imbeǥey en heini he tanà diyà te keniyu te Nengazen he Megbevayè niw su wey niw maangken, kinahanglan gihapun he edlayun te Wahig he Jordan is langun he menge sundaru niw he egkeǥumeenan su wey zan megiyahi is duma niw he menge Israilihanen te kebpekidtebek.

Deuteronomio 3:20

Emun egkaangken en te zuma niw he menge Israilihanen is tanà he leyunè niw he ibeǥey kandan te Nengazen he Megbevayè niw, ne emun pinaaǥi kandin ne wazè en igkaawan dan iring te mibeelan din diyà te keniyu, ne egkehimu en he edlikù kew ziyà te tanà he imbeǥey ku keniyu.’

Deuteronomio 34:1

Puun te suǥud te Moab, midtekezeg ni Moises is Buntud he Nebo, pehendiyà te puntur te Pisga he ebpekesinaru ziyà te Jerico. Ne zutun impeehè kandin te Nengazen sikan is tivuuk he tanà–puun te Gilead pehendiyà te Dan,

Josue 13:11

Ragkes daan is Gilead wey is menge tanà he mid-ubpaan te menge Gisurhanen wey menge Maakatnen, is tivuuk he Buntud he Hermon, wey is tivuuk he Bashan taman te Saleca.

Josue 13:25

Jazer wey is langun he menge inged diyà te Gilead, wey is ketengà te tanà te menge Amunihanen taman te Aroer ziyà te edsilaan he vahin te Raba.

Josue 13:31

Ragkes kayi is ketengà te Gilead, wey is Ashtarot wey Edrei, he menge dezekelà he inged diyà te Bashan he ginhedian ni Og. Iyan heini tanà he imbeǥey ziyà te ketengà te menge kevuwazan ni Makir te anak ni Manase, he mibahin diyà te kada pemilya zan.

Josue 22:10

Kebpekeuma zan diyà te Gelilot, he uvey te Wahig he Jordan he nesakup pa te Canaan, mibaal sikandan dutun te zekelà he pemuhatà.

Zatù 20:1

Is langun he menge Israilihanen puun te Dan pehendiyà te Beersheba, wey puun te Gilead, midtiǥum diyà te Mizpa, diyà te etuvangan te Nengazen.

Zatù 5:17

Wazà daan medwaleng is tribu ni Gad diyà te zapit te edsilaan te Jordan, ne is tribu ni Dan ne wazè dan daan engkezi is terebahu zan diyà te menge varku. Ne wazà daan medwaleng is tribu ni Asher ziyà te ed-ubpaan dan he veyvey te zaǥat.