Josue 22:8 - Manobo Western Bukidnon OT

⁸ he ke sikandin te, “Ed-ulì kew he ed-uwit te mahabet he menge ketiǥeyunan–menge uyaǥen, pelata, bulawan, brunsi, putew wey menge visti. Behini niw is menge kezuzumahi niw he ziyà te keniyu te minsan hengkey he naaǥew niw ziyà te menge kuntada niw.”

Josue 22:8 ပူးပေါင်းရင်းမြစ်များ

1 Cronica 5:9

Ne tenged te utew en mibmezakel is menge uyaǥen dan diyà te Gilead ne neeneb dan en is dapit te edsilaan he kilid en te disirtu pehendiyà te Wahig he Eufrates.

2 Cronica 17:5

Midlig-enan te Nengazen is ginhedian dutun te kandin he kedhadì. Mid-uwitan sikandin te langun he menge tig-Juda te gasa, umbe midekelà is ketiǥeyunan din wey nevantug.

2 Cronica 32:27

Sepian wey nevantug si Hezekia. Mibpevaal sikandin te menge budiga te menge azen din he menge pelata, menge vulawan, mahalen he menge vatu, menge penaket, menge kelasag, wey zuma pa he mahalen he menge azen.

Salmo 68:12

“Nemelaǥuy is menge hadì wey is menge sundaru zan, ne is menge azen dan mibahin te menge vahi he tig-Israel.

Erubasa 3:16

Is ketau ne ebpekepeluǥayad te untung nu wey ebpekeveǥey zaan te ketiǥeyunan nu wey zengeg.

Numero 31:27

Ne liwezaa niw heini ziyà te menge sundaru he mibpekidtebek wey menge Israilihanen he wazà mebpekidtebek.

1 Samuel 30:16

Umbe, nenangdù si David, ne midumahan sikandan duen te Ehiptohanen diyà te migkempuwan duen te menge mengayew. Ne zutun neehè dan is menge Amalikanhen he nekepeyapat he ebpemengaan, ebpen-inum wey utew menge melipayen, tenged te utew mezakel is naaǥew zan diyà te menge Filistihanen wey ziyà te Juda.

1 Samuel 30:24

Wazà iyan ebpemineg keniyan te egkeǥiyen niw. Kinahanglan he ebehinan is langun! Is bahin te mibpelintetaǥak he ebantey te menge gamit tew, kinahanglan he id-repeng daan duen te midhendiyà te tebek.”