Josue 22:4 - Manobo Western Bukidnon OT

⁴ Ne ǥuntaan naangken en te zuma niw he menge Israilihanen is kelinew he insaad kandan te Nengazen. Umbe, ulì kew en diyà te keniyu he tanà he ziyè layun te Wahig he Jordan, duen te tanà he imbeǥey keniyu ni Moises he suluǥuen te Nengazen.

Josue 22:4 ပူးပေါင်းရင်းမြစ်များ

1 Cronica 22:18

Migkaǥi sikandin diyà te kandan te, “Iyan duma niw is Nengazen he Megbevayè niw wey mibeǥayan kew zin te kelinew su wazè kew mekepekidtebek te nekeliǥuy keniyu he menge etew. Su imbeǥey zin kedì is langun he ed-ubpà kayi he tanà, ne ǥuntaan ne iyan en teǥiǥaked kayi is Nengazen, ne nesakup tew en heini te keet-etawan din.

Exodus 33:14

Ne migkaǥi is Nengazen te, “Edumahan ku sikew, wey ibpehimeley ku sikew.”

Numero 32:18

Kenè key ed-ulì taman te ebpekaangken te tanà he egkepengevilin dan is langun he menge Israilihanen.

Deuteronomio 12:9

emun ebpekeuma kew en duen te lugar he zutun kew ebpekehimeley. Heini he lugar ibeǥey keniyu te Nengazen he Megbevayè niw he ibpepengevilin din keniyu.

Deuteronomio 29:8

Mid-aǥew tew is tanè dan ne imbeǥey haazà diyà te menge tribu ni Reuben, ni Gad, wey ziyà te ketengà he tribu ni Manase he para egkepengevilin dan.

Deuteronomio 3:20

Emun egkaangken en te zuma niw he menge Israilihanen is tanà he leyunè niw he ibeǥey kandan te Nengazen he Megbevayè niw, ne emun pinaaǥi kandin ne wazè en igkaawan dan iring te mibeelan din diyà te keniyu, ne egkehimu en he edlikù kew ziyà te tanà he imbeǥey ku keniyu.’

Josue 1:15

taman te egkaangken dan en is tanà he egkehimelayan dan he imbeǥey te Nengazen iring te naangken niw en. Ne emun egkeulaula en heini, ne egkehimu en he ebpekehulenè kew te ked-angken te tanà kayi te Jordan he zapit te edsilaan he imbeǥey keniyu ni Moises te suluǥuen te Megbevayà.”

Josue 12:6

Nezaag sikandan ni Moises he suluǥuen te Nengazen wey te menge Israilihanen. Imbeǥey ni Moises is tanè dan diyà te tribu ni Reuben, tribu ni Gad, wey ketengà he tribu ni Manase wey zan mepengevilin.

Josue 13:15

Iyan heini kevahin te tanà te Israel he imbahin ni Moises diyà te tribu ni Reuben, he mibahin diyà te kada pemilya zan:

Josue 13:8

Is tribu ni Reuben, ni Gad, wey is ketengà he tribu ni Manase daan en mibeǥayan ni Moises he suluǥuen te Nengazen te kandan he vahin diyà te zapit te edsilaan te Jordan.

Josue 22:3

Ne taman en guntaan wazè niw vey-ani is menge zuma niw he menge Israilihanen. Ne mibpurungan niw tumana is langun he insuǥù keniyu te Nengazen he Megbevayè niw.