Josue 22:26 - Manobo Western Bukidnon OT

²⁶ Is tutuu, mibeelan dey heini he pemuhatà, kenà para te menge pemuhat he edtutungen wey te zuma pa he menge pemuhat,

Josue 22:26 ပူးပေါင်းရင်းမြစ်များ

Isaias 19:19

Dutun he timpu ebengunen is pemuhatà para te Nengazen diyà te teliwazà te tanà he Ehipto, ne ibpelastar zaan is tedeman he vatu ziyà te dulunà kayi.

Josue 22:25

Midhimu te Nengazen he dulunà tew is Wahig he Jordan te kedsivaya zin keniyu puun diyà te kenami. Sikiyu is menge tribu ni Reuben wey ni Gad wazè niw lavet te Nengazen.’ Ne kela ke zewaya te menge kevuwazan niw is menge kevuwazan dey te ked-azap te Nengazen.

Josue 22:27

kekenà, para mehimu heini he tuus he ebpetanudtanud kenami, wey keniyu, wey te peleebuten he menge kevuwazan tew he ed-azap key zaan te Nengazen pinaaǥi te kebpemuhat te menge pemuhat he edtutungen, pemuhat he para te meupiya he kedepità, wey zuma pa he menge pemuhat diyà te Tulda he zutun sikandin ed-ezapa. Ne tenged kayi he pemuhatà kenà ebpekekaǥi is menge kevuwazan niw ziyà te menge kevuwazan dey he wazè dan lavet te Nengazen.

Josue 22:29

“Kenà egkehimu he edsupaken dey wey ed-iniyuǥan dey is Nengazen pinaaǥi te kebaal te keugelingen dey he pemuhatà he para ebpemuhatan te menge pemuhat he edtutungen, menge pemuhat he para gasa, wey zuma pa he menge pemuhat. Iyan dà is pemuhatà para te Nengazen he Megbevayè tew ziyà te Tulda he zutun sikandin ed-ezapa ereg he ebpemuhatan.”

Zatù 6:24

Ne mibaal zutun si Gideon te pemuhatà para te Nengazen ne migngezanan din haazà te, “Ebeǥey te Kelinew is Nengazen.” Ne taman en guntaan kemulu heini he pemuhatà diyà te Ofra, diyà te tanà te menge kevuwazan ni Abiezer.