Josue 22:22 - Manobo Western Bukidnon OT

²² “Is Nengazen iyan sikan is Mekeǥeǥehem he Megbevayà! Netuenan din ke maan is mibeelan dey heini, ne ereg daan heini he egketuenan niw. Emun iyan imbeeli zey kayi is kebpekidsukulà etawa kedsupak te Nengazen, ne kenè kew en tuǥut he meuyag-uyag key pa ǥuntaan he andew.

Josue 22:22 ပူးပေါင်းရင်းမြစ်များ

1 Hadì 8:39

ne pemineǥa nu sikandan diyan te ubpeey nu he langit. Ne peseyluwa nu sikandan, ne veeli nu ziyà te kada sevaha kandan is ereg te menge vaal zan, su netuenan nu is gehinawa te kada sevaha kandan. Su utew venar he iyan ke zà netau te ǥehinawa te langun he etew.

Job 10:7

Netuenan nu he wazè ku salà, piru wazà ebpekelavan kedì emun iyan ka kuntada.

Job 23:10

Piru netuenan din is menge vaal ku. Emun egkeǥezaman e zin en, egkeǥiyen din he lumpiyu a iring te lunsey he vulawan.

Job 31:22

ne zeyzey ke metamped is belad ku.

Salmo 136:2

Peselemati is Megbevayà he lavew te langun he zuma he menge ed-ezapen. Wazà pidtemanan te ǥaǥew zin.

Salmo 37:6

Edhimuwen din he utew keladu is kebpezeyaǥa zin he metazeng ka wey wazè nu salà, iring kekeladu te silà te andew ke meudtu.

Salmo 40:9

Edtudtulen ku is kedlibriya nu kedì diyà te egketiǥum he menge etew nu. Netuenan nu Nengazen he kenà a ed-engked he edtudtul kayi.

Salmo 44:22

Iyan, tenged te kedtuu zey kenikew, ne layun key en ebpemiligru te kemetayen. Iring key te kerehidu he para edlepaan.

Salmo 50:1

Is Nengazen he iyan kes mekeǥeǥehem he Megbevayà, ebpekidlalag wey ebpengumew te menge etew kayi te tivuuk he kelibutan.

Salmo 82:1

Midumala te Megbevayà is ketiǥuman te menge gemhanan, ne edhukuman din sikandan.

Salmo 95:3

Su is Nengazen, mekeǥeǥehem sikandin he Megbevayà. Mekeǥeǥehem sikandin he hadì wey lavew sikandin te langun he zuma he menge ed-ezapen.

Salmo 97:7

Egkepeel-elezan is langun he edsimba te ledawan wey is ibpegalbu zan is duma he menge ed-ezapen. Is langun he tarù he megbevayà edluhud te ked-azap te tutuu he Megbevayà.

Exodus 18:11

Guntaan, netuenan ku en he utew lavew he gemhanan is Nengazen kenà te langun he ed-ezapen, su midlibri zin is menge Israilihanen te kedèdaaǥa kandan te menge Ehiptohanen.”

Jeremias 12:3

Piru siak nekilala a kenikew, Nengazen. Neehè nu is mibpemeelan ku ne netuenan nu ke hengkey is kegkilelaa ku kenikew. Guyuza nu heini he menge etew he iring te eguyud ka te kerehidu he edlepaan. Itapid nu sikandan he para te edlepaan.

Jeremias 17:10

Iyan a, is Nengazen, netau a te gehinawa wey isip te etew. Ebelesan ku is etew sumalà te vetasan din wey menge ulaula zin.

Daniel 11:36

“Ebeelan duen te hadì diyà te zizaya is minsan hengkey he egkesuatan din te ebaal. Ed-isipen din he iyan sikandin lavew te langun he ebpen-ezapen, ne edsumpeliten din is Megbevayà he iyan lavew te langun he ebpen-ezapen. Ebmelempusen sikandin taman dà te timpu te kebpezayaǥa te Megbevayà te pauk din, ne egkeulaula heini su kinahanglan he egkengehitavù is imbanglis te Megbevayà is kegkeul-ulaha zuen.

Daniel 2:47

Migkaǥi sikandin diyà te ki Daniel te, “Tenged te kedtudtula nu zuen te teǥeinep ku wey kedseysaya nu te kehuluǥan din, ne tutuu iyan he is Megbevayà he ed-ezapen nu ne lavew he mekeǥeǥehem te langun he ebpen-ezapen te menge etew. Iyan sikandin ereg he egkilelaan he Egalen te menge hadì. Ne iyan dà sikandin ebpekepezayag te nekeeles he menge ketutuanan.”

Micas 7:9

Geina te nekesalè kiw ziyà te Nengazen, dait he ed-entusen tew is silut din kenitew taman te edlevanan kiw zin wey ebeǥayan te hustu he kukuman. Egkeehè tew is kedlibriya zin kenitew pinaaǥi te ked-uwit din te kerayag kayi te kenitew.

Malakias 3:18

Ne egkeuman niw en maan egkaahà is mibizahayan te metazeng wey lalung, is mibizahayan te ebpenilbi te Megbevayà wey kenà ebpenilbi kandin.”

Deuteronomio 10:17

Su is Nengazen he Megbevayè niw, Megbevayà te menge megbevayà wey Nengazen te menge nengazen. Mekeǥeǥehem wey egkein-inuwan sikandin he Megbevayà. Wazè din ibpelavi ne kenà sikandin egkeuwit te suhul.

Josue 22:21

Ne midtavak te tribu ni Reuben, ni Gad, wey te ketengà he tribu ni Manase sikan is menge pengulu te menge pemilya te Israel te:

1 Samuel 15:23

Is kebpekidsukulà te Nengazen iring ded kezaat te kebpeveveyilan, ne is kegkemesinupaken iring ded kezaat te ked-azap te zuma he menge ed-ezapen. Geina te inselikwey nu is suǥù te Nengazen, idselikwey ke zin daan pinaaǥi te kegkeewaa kenikew he hadì.”

1 Samuel 2:3

Wazà minsan hentei he ebpekepelavew wey ebpekepahambug su is Nengazen Megbevayà, ne wazà ebpekeeles kandin he minsan hengkey, wey ed-is-isipen din is ebeelan te menge etew.