Josue 22:18 - Manobo Western Bukidnon OT

¹⁸ Ne ǥuntaan nekehimu kew pa te ked-iniyug te Nengazen? Emun edsupak kew pa kandin guntaan he andew, ne keeselem egkepeukan din en is tivuuk he keet-etawan te Israel.

Josue 22:18 ပူးပေါင်းရင်းမြစ်များ

2 Samuel 24:1

Neuman mepauk is Nengazen te menge Israilihanen ne impevaal zin si David te ebpekezezaat kandan. Migkeǥiyan din si David te, “Bilanga nu is menge keet-etawan te Israel wey Juda.”

1 Hadì 9:6

Piru emun ed-iniyuǥan a keniyu wey te menge kevuwazan niw su kenè niw edtumanen is menge suǥù wey menge sulunuzen he imbeǥey ku keniyu, wey ke ebpenilbi kew wey ed-azap te zuma he menge ed-ezapen,

2 Hadì 17:21

Hein insivey te Nengazen is Israel puun te ginhedian ni David, midhimu te menge tig-Israel si Jeroboam he anak ni Nebat he hadì dan. Ne mid-iniyat ni Jeroboam is menge tig-Israel te ked-iniyug diyà te Nengazen, ne kandin he ketau is kebpekevaal zan te zekelà he salà.

1 Cronica 21:1

Migkuntada ni Setanas is Israel, umbe kandin he ketau he mesinsus ni David is menge Israilihanen.

1 Cronica 21:14

Umbe, mibpaaǥi is Nengazen te kezeetan diyà te Israel, ne 70,000 he menge Israilihanen is mibpematey.

2 Cronica 25:27

Hein mid-iniyuǥan en ni Amazia is Nengazen, ne zuen menge etew he mibpelanu te kedhimetayi kandin diyà te Jerusalem, umbe mibpelaǥuy sikandin diyà te Lakish, piru mibpetelukunan dan sikandin ne midhimetayan dan.

2 Cronica 34:33

Ne zutun impepen-awà ni Josia is langun he utew mezaat he menge ed-ezapen diyà te tivuuk he tanà te Israel, ne impepenilbi zin is menge etew ziyà te Nengazen he Megbevayè dan. Dutun te uuyag pa sikandin, midsunud dan is Nengazen he Megbevayà te menge kepuun dan.

Leviticus 10:6

Ne migkaǥi si Moises diyà te ki Aaron wey ziyà te menge anak din he si Eleazar wey si Itamar te, “Kenè niw vey-ani he egkeǥuseng is bulvul niw etawa ebindasen niw is menge kumbalè niw te kebpekilala he idlalew niw is minatey. Emun ebeelan niw heeyan, ne ebpatey kew ne egkepeukan te Nengazen is langun he menge Israilihanen. Is langun he menge etew te Israel he menge kezuzumahi niw, ne iyan mulà sikandan medlalew para keniyan te zezuwa he midtutung te Nengazen.

Numero 16:22

Piru midluhud si Moises wey si Aaron he ke sikandan te, “He Megbevayà he ebpuunan te untung te langun he menge etew, edelehiǥen nu ve te pauk nu is langun he etew kayi te sevaha zè man is nekesalà?”

Numero 32:15

Emun kenè kew ebpezumazuma te Nengazen ne ed-iniyuǥan din en maan kayi te sibsivayan heini is menge etew, ne iyan kew egkehimu he hinungdan te kegkezeeti zan.”

Deuteronomio 7:4

su ebpekepekeziyù diyà te Nengazen is menge anak niw su ziyè dan man ibpepenilbi te zuma he menge ed-ezapen. Ne emun egkehitavù heeyan ne ibpeǥezaman keniyu te Nengazen is pauk din ne egkengezeetan kew.

Josue 22:15

Kebpekeuma zan diyà te Gilead, migkeǥiyan dan is tribu ni Reuben, ni Gad, wey is ketengà he tribu ni Manase te,

Josue 22:16

“Sikami is tivuuk he etew te Nengazen egkesuat key he metueni zey ke maan is midlimbungan niw is Megbevayà te Israel? Nekesupak kew te Nengazen pinaaǥi te kebaal niw te keugelingen niw he pemuhatà. Maan is mid-iniyuǥan niw sikandin?

Josue 22:20

Nelipatan niw en be is mibeelan ni Acan te anak ni Zera? Hein midsupak din is suǥù mehitenged te menge azen he para zà te Nengazen, midsilutan sikandin duma te tivuuk he keet-etawan te Israel. Kenà iyan dà sikandin minatey tenged te salè din.”

Josue 7:1

Piru midrapas iyan te menge Israilihanen is suǥù te Nengazen he kenè dan ibpekuwa te minsan hengkey he impurung en ipemuhat diyà te Nengazen. Su migkuwa si Acan te menge vutang he kenà engayan he egkuwaan, umbe utew nepauk is Nengazen kandan. Heini si Acan anak ni Carmi. Si Carmi anak ni Zabdi. Si Zabdi anak ni Zera. Heini sikandan sakup te tribu ni Juda.

Josue 7:11

Nekesalà is Israel; midrapas dan is kebpekid-uyun ku. Migkuwa zan te menge vutang he impurung en ipemuhat kayi te kedì. Midtakew zan heini, midtarùtarù dan bahin kayi, ne intampu zan heini te menge azen dan.

Josue 7:21

Duen te menge azen he netavan tew, duen ku neehè he mekempet he visti he ebpuun diyà te Babilonia, pelata he menge dezuwa he kilu wey tengà, wey senge verita he vulawan he menge tengà te kilu. Utew ku neimahi heini he menge azen, umbe migkuwa ku. Ne inleveng ku heini ziyà te tanà he seled te tulda ku, ne ziyà te kinezizeleman sikan is pelata.”

1 Samuel 12:14

Sikiyu wey is hadì niw, wazà minsan hengkey he ebpekekaid keniyu, emun edtahud kew te Nengazen he iyan Megbevayè niw wey edsunud kew te menge suǥù din.

1 Samuel 12:20

Midtavak si Samuel te, “Kenè kew mahandek. Minsan pa te nekevaal kew te kenà meupiya, kenè niw iniyuǥi is Nengazen, kekenà, silbiyi niw sikandin te tivuuk he gehinawa niw.