Josue 22:15 - Manobo Western Bukidnon OT

¹⁵ Kebpekeuma zan diyà te Gilead, migkeǥiyan dan is tribu ni Reuben, ni Gad, wey is ketengà he tribu ni Manase te,

Josue 22:15 ပူးပေါင်းရင်းမြစ်များ

1 Cronica 21:3

Piru midtavak si Joab te, “Berakat he ipemezakel te Nengazen heini is keet-etawan nu te 100 he takep. Piru, Mahal he Hadì, maan is egkesuatan nu te ebaal heini? Kenè be menge sakup nu man sikandan? Ne, maan is ed-uuwiten nu sikandan te salà he ebeelan nu?”

2 Cronica 10:19

Ne minsan guntaan edribildiyan te menge Israilihanen is menge kevuwazan ni David

2 Cronica 25:27

Hein mid-iniyuǥan en ni Amazia is Nengazen, ne zuen menge etew he mibpelanu te kedhimetayi kandin diyà te Jerusalem, umbe mibpelaǥuy sikandin diyà te Lakish, piru mibpetelukunan dan sikandin ne midhimetayan dan.

2 Cronica 26:18

ne midawey zan si Uzia. Ke sikandan te, “Uzia, kenè ka engayan he edtutung te veyewà para te Nengazen. Heeyan he vuluhaten ne para zà te menge memumuhat he menge kevuwazan ni Aaron. Iyan sikandan mibpilì te Nengazen he edtutung te veyewà. Gawas ka keniyan te valey te Nengazen, su wazè ka medsunud te Nengazen. Kenè ka egkezeliǥan te Nengazen he Megbevayà kayi te mibeelan nu.”

2 Cronica 28:13

Migkaǥi sikandan te, “Kenè niw heeyan pendumaha kayi is menge nevihag, su televaken tew heini ziyà te Nengazen. Kenè tew en ed-umanan is salè tew. Dekelè en is menge salè tew, ne egkepeukan kiw en te Nengazen is menge tig-Israel.”

Ezra 9:15

He Nengazen he Megbevayà te Israel, metazeng ka. Su intuǥut nu he zuen nesamà kenami he uuyag taman en guntaan. Idtug-an dey is menge salè dey, su kenè key ebpekehimu he ed-etuvang kenikew tenged kayi.”

Ezra 9:2

Nemengesawa pa ganì sikandan wey is menge anak dan te menge vahi he ebpemuun keniyan he menge etew. Umbe is menge etew he pinilì te Megbevayà nesehuǥan te zuma he menge etew. Ne is menge pengulu tew wey menge upisyal iyan en nengulu te kebaal kayi.”

Salmo 78:8

Ne kenà sikandan egkeiring te menge kepuun dan he menge supekiru, kenà menge metinumanen, kenà melig-en is kedsarig dan te Megbevayà, wey kenè dan mepezumdumahan kandin.

Exodus 32:8

Wazè en meuǥet ne wazè en sikandan med-ikul ziyà te zalan he ibpeikul ku kandan; midtunew zan te vulawan ne mibeelan dan he ed-ezapen he vaka, ne mid-azap dan haazà wey mibpemuhat dan. Ne egkeǥiyen dan te iyan haazà ed-ezapen dan he nengulu kandan te kegawas diyà te Ehipto.”

Isaias 63:10

Piru nekidsukulà sikandan, ne pinaaǥi zutun midhimu zan he meseeng is Waǥas he Mulin-ulin din. Umbe migkuntada sikandan te Nengazen, ne nehimu sikandin he kuntada zan.

Leviticus 26:40

Tenged te kedluivi wey kedsupaka niw kediey egkuntedahan ku sikiyu ne ibpevihag ku pehendiyà te lugar te menge kuntada niw. Iyan, emun ed-engkezan niw is menge salè niw wey menge salà te menge kepuun niw wey ed-engkezan niw en is ke bmesinupaken niw, wey edewaten niw is silut tenged te menge salè niw,

Numero 14:43

Emun ebpekidtebek keniyu is menge Canaanhen wey menge Amalikanhen ne ebpemematey kew; kenà ebpekiduma is Nengazen keniyu su inselikwey niw sikandin.”

Numero 32:15

Emun kenè kew ebpezumazuma te Nengazen ne ed-iniyuǥan din en maan kayi te sibsivayan heini is menge etew, ne iyan kew egkehimu he hinungdan te kegkezeeti zan.”

Numero 5:6

“Keǥiyi nu is menge Israilihanen he emun duen maama etawa vahi he nekesupak te egkesuatan te Nengazen pinaaǥi te kebaal te mezaat diyà te iring din he etew, heeyan he etew nekesalà.

Deuteronomio 30:17

“Piru emun kenè kew ebpezumazuma wey edsunud kandin, ne ed-azap kew wey ebpenilbi te selakew en he menge ed-ezapen,

Deuteronomio 7:4

su ebpekepekeziyù diyà te Nengazen is menge anak niw su ziyè dan man ibpepenilbi te zuma he menge ed-ezapen. Ne emun egkehitavù heeyan ne ibpeǥezaman keniyu te Nengazen is pauk din ne egkengezeetan kew.

Josue 22:14

Duen din duma he sepulù he menge pengulu he ebpuun diyà te kada tribu te Israel. Heini sikandan, menge pengulu zaan te menge pemilya te menge tribu zan.

Josue 22:16

“Sikami is tivuuk he etew te Nengazen egkesuat key he metueni zey ke maan is midlimbungan niw is Megbevayà te Israel? Nekesupak kew te Nengazen pinaaǥi te kebaal niw te keugelingen niw he pemuhatà. Maan is mid-iniyuǥan niw sikandin?

Josue 22:18

Ne ǥuntaan nekehimu kew pa te ked-iniyug te Nengazen? Emun edsupak kew pa kandin guntaan he andew, ne keeselem egkepeukan din en is tivuuk he keet-etawan te Israel.

1 Samuel 15:23

Is kebpekidsukulà te Nengazen iring ded kezaat te kebpeveveyilan, ne is kegkemesinupaken iring ded kezaat te ked-azap te zuma he menge ed-ezapen. Geina te inselikwey nu is suǥù te Nengazen, idselikwey ke zin daan pinaaǥi te kegkeewaa kenikew he hadì.”