Josue 21:8 - Manobo Western Bukidnon OT

⁸ Pinaaǥi te kedripa, mibeǥayan te menge Israilihanen is menge kevuwazan ni Levi te menge inged wey menge penebtavà, su iyan heeyan insuǥù te Nengazen ki Moises.

Josue 21:8 ပူးပေါင်းရင်းမြစ်များ

Genesis 49:5

“Sikiyu Simeon wey Levi, ebpeked-iring kew su egemiten niw is gumaan niw te kebpendaagdaag.

Genesis 49:7

Edrewakan ku sikiyu tenged te kegkepauk niw he utew subra. Ebpedsusuwayen ku is menge kevuwazan niw kayi te Israel.

Erubasa 16:33

Ebarà is etew su wey zin metueni is dait he ed-ul-ulahan din piru iyan is Nengazen ebpuunan te minsan hengkey he penurù he zait he ed-ul-ulahan.

Erubasa 18:18

Is kedripa ebpeketavang te kesamuk, ebpeketavang daan te kedhusey te kasu te zezuwa he gemhanan he etew.

Numero 32:2

midhendiyè dan te ki Moises wey ki Eleazar wey zuen te menge pengulu te kezekelan, ne ke sikandin te,

Numero 33:54

Behina niw haazà he tanà pinaaǥi te ripa he ibpesikad diyà te kezakel te kada tribu. Is tribu he mezakel ebehinan te zekelà, ne is tribu he zeisey ebehinan te zeisey. Is egkevunutan dan iyan en egkehimu he vahin dan. Pinaaǥi kayi egkevahin haazà is tanà diyà te kada tribu.

Numero 35:3

Pinaaǥi kayi zuen egkeubpaan dan he menge inged wey zuen egkepepenebtavan dan te menge uyaǥen dan.

Josue 18:6

Isurat niw is menge zulunà duen te pitu he vahin he tanà, ne uwita niw kayi te kediey, su edripahan ku heini ziyà te etuvangan te Nengazen he Megbevayè tew.

Josue 21:3

Umbe, sumalà dutun te insuǥù te Nengazen mibeǥayan is menge kevuwazan ni Levi te menge inged wey menge tanà he menge pepenebtavè dan he midtarin diyà te menge vahin te tanà te menge Israilihanen.

Josue 21:7

Is menge kevuwazan ni Merari mibeǥayan te 12 he menge inged he nesakup te menge tanà te menge tribu eni Reuben, Gad, wey Zebulun.

Josue 21:9

Iyan heini menge inged he nesakup te tanà te tribu ni Juda wey ni Simeon he imbeǥey ziyà te menge kevuwazan ni Aaron. Heini sikandan menge kevuwazan ni Kohat te anak ni Levi. Iyan sikandan nehuna he neripahan he ebeǥayan te menge inged.