Josue 21:43 - Manobo Western Bukidnon OT

⁴³ Iyan heini paaǥi te kebeǥaya te Nengazen diyà te Israel duen te tanà he impenaad din diyà te menge kepuun dan. Ne hein nekuwa zan en heini ne zutun en sikandan med-ubpà.

Josue 21:43 ပူးပေါင်းရင်းမြစ်များ

Genesis 12:7

Ne mibpaahà is Nengazen ki Abram ne ke sikandin te, “Heini is tanà, ne ibeǥey ku ziyà te menge kevuwazan nu.” Ne zutun mibaal si Abram te pemuhatà su ebpemuhaten din is Nengazen he iyan mibpaahà kandin.

Genesis 13:15

Is taman te egkeehè nu he tanà, ibeǥey ku kenikew wey ziyà te menge kevuwazan nu, ne egkaangken dan te taman te taman.

Genesis 28:4

Berakat he iveǥey zin kenikew wey te kevuwazan nu is tuvad he imbeǥey zin diyà te apù nu he si Abraham, su wey mehimu heini he kenikew he tanà is neubpaan nu ǥuntaan te sevaha he lumelengyawà. Heini he tanà ne imbeǥey te Megbevayà diyà te ki Abraham.”

2 Cronica 20:8

Kayi med-ubpà sikandan wey kayi zan tukuza is baley te Nengazen para te zengeg nu. Migkaǥi sikandan te,

Nehemias 9:24

Midseled dan iyan dutun ne mid-angken dan. Mibpengelinteuwan nu he mezaag dan is menge Canaanhen he meǥinged dutun he tanà. Imbeǥey nu kandan is menge Canaanhen ragkes en is menge hadì dan su para meveeli te menge etew nu is egkesuatan dan te ebaal ziyà te kandan.

Nehemias 9:8

Neehè nu he mepezumdumahan sikandin kenikew, ne nenangdù ka ziyà te kandin he ibeǥey nu ziyà te menge kevuwazan din is tanà te menge Canaanhen, Hitihanen, Amorihanen, Pirisihanen, Jebusihanen, wey menge Girgasihanen. Ne midtuman nu is insaad nu ziyà te kandan, su metazeng ka.

Salmo 105:8

Edtentenuzan din layun is kebpekid-uyun din. Kenè din edlipatan is menge saad din taman te taman

Salmo 44:3

Piru iyan tutuu is, kenà pinaaǥi te ǥumaan wey ketau te kebpekidtebek is ingkeengkena te menge kepuun dey kayi he tanà, kekenà, tenged te ǥehem nu, ebilidad nu, wey hizu nu kandan tenged te kebmahala nu kandan.

Salmo 78:55

Midsegseg din sikandan pehendiyà te meziyù te menge etew zin, ne mibahinbahin din haazà is tanà. Mibehinan is kada tribu te Israel su para maangken dan haazà, ne zutun din sikandan ipeubpà.

Exodus 3:8

Ne umbe mibulus a su edlibriyen ku sikandan te menge pesipala kandan te menge tig-Ehipto, wey ibpaawè ku sikandan diyà te Ehipto ne ziyè ku sikandan ibpeubpà te tanà he meupiya wey meluag, tanà he egkeerubasa he ebpuunan te edtudà he ǥatas wey teneb he iyan ed-ubpaan te menge Canaanhen, Hitihanen, Amorihanen, Pirisihanen, Hivihanen wey Jebusihanen.

Jeremias 32:23

Naangken dan heini piru wazè dan medtuman te kesuǥuan nu. Wazè dan beeli is langun he ebpeveelan nu kandan. Umbe impaaǥi nu ziyà te kandan heini is kezeetan.

Numero 33:53

Engkena niw wey ubpai niw haazà he tanà su ibeǥey ku en haazà keniyu.

Numero 34:2

“Keǥiyi nu is menge Israilihanen he emun edseled dan en diyà te Canaan, iyan heini dulunà te tanà he egkepengevilin dan:

Deuteronomio 11:31

Edlayun kew en te Jordan te kedseled wey ked-angken duen te tanà he ibeǥey te Nengazen he Megbevayè niw keniyu. Emun egkekuwa niw en heini wey ed-ubpaan niw en,

Deuteronomio 12:29

“Ebpengelinteuwan te Nengazen he Megbevayè niw he mezezeeti niw is menge etew ziyà te menge nasyun he edsurungen niw. Segseǥa niw is menge meǥinged duen ne ubpai niw is lugar zan.

Deuteronomio 17:14

“Emun ebpekeseled kew en duen te tanà he ibeǥey keniyu te Nengazen he Megbevayè niw wey egkaangken niw en heini ne zutun kew en he meǥinged, egkaǥi kew te, ‘Ebpilì kiw te hadì he ebpengulu kenitew iring te menge nasyun diyà te peliǥuy kenitew.’

Deuteronomio 34:4

Ne zutun migkaǥi is Nengazen diyà te ki Moises te, “Iyan heeyan sikan is tanà he impenaad ku ziyà te ki Abraham, ki Isaac, wey ki Jacob, ne migkaǥi a ziyà te kandan te ibeǥey ku heeyan diyà te menge kevuwazan dan. Impeehè ku heeyan kenikew piru kenè ka mulà ebpekehengkeniyan.”

Josue 1:6

Mebpekelig-en ka wey mebpekevurut ka, su iyan ka ebpengulu kayi te menge etew te ked-angken duen te tanà he impenaad ku ziyà te menge kepuun dan.

Zatù 11:24

Iyan niw engkena is tanà he ibeǥey keniyu te ed-ezapen niw he si Kemosh. Su sikami, ed-engkenen dey is langun he ibeǥey kenami te Nengazen he Megbevayè dey.

1 Samuel 12:8

“Hein diyè pa te Ehipto is menge kevuwazan ni Jacob, mibuyù dan te penavang te Nengazen, ne midsuǥù te Nengazen si Moises wey si Aaron he iyan mibpeǥawas kandan diyà te Ehipto ne iyan miduma kandan kayi he tanà.