Josue 21:4 - Manobo Western Bukidnon OT

⁴ Is nehuna he mibeǥayan te menge inged iyan is menge kevuwazan ni Kohat. Kevahin te kevuwazan ni Kohat is menge kevuwazan ni Aaron, ne mibeǥayan sikandan te 13 he menge inged he nesakup diyà te tanà te tribu eni Juda, Simeon, wey Benjamin.

Josue 21:4 ပူးပေါင်းရင်းမြစ်များ

1 Cronica 6:39

Is kevuwazan ni Gershon he si Asaf, ne iyan nehuna he mid-uǥup ki Heman. Si Asaf ne anak ni Berekia. Si Berekia ne anak ni Shimea.

Exodus 6:16

Sumalà is insurat he keguǥuza iyan heini menge ngazan te menge maama he menge anak ni Levi: si Gershon, si Kohat, wey si Merari. Is keluǥayad te untung ni Levi 137 he tuig.

Exodus 6:20

Mid-esawa ni Amram is etevey te amey zin he si Jokebed. Ne iyan menge anak dan he maama si Moises wey si Aaron. Is keluǥayad te untung ni Amram 137 he tuig.

Numero 3:27

Is menge kevuwazan ni Kohat iyan sikan is menge pemilya eni Amram, Izhar, Hebron, wey Uziel.

Josue 21:3

Umbe, sumalà dutun te insuǥù te Nengazen mibeǥayan is menge kevuwazan ni Levi te menge inged wey menge tanà he menge pepenebtavè dan he midtarin diyà te menge vahin te tanà te menge Israilihanen.

Josue 21:5

Is duma he menge kevuwazan ni Kohat mibeǥayan te 10 he menge inged he nesakup diyà te tanà te menge tribu eni Efraim, Dan, wey ketengà he tribu ni Manase.

Josue 24:33

Minatey zaan si Eleazar is anak ni Aaron ne inleveng diyà te Gibea, kes inged diyà te vuvungan te Efraim he imbeǥey ziyà te anak din he si Finehas.